Mbërriti dimri! Bie dëbora e parë, ja zonat që janë zbardhur sot

683
Dimri trokiti zyrtarisht!
Në Veri nisën reshjet e dëborës, ndërsa të pjesën tjetër të vendit temperaturat kanë shënuar ulje të ndjeshme dhe janë regjistruar reshje shirash
Pamje të publikuara në rrjetet sociale vijnë nga Thethi, ku trashësia e dëborës ka arritur disa centimetra.
Lëvizja e mjeteve dhe kalimtarëve raportohet pa probleme, ndërsa autoritetet lokale thonë se kanë marrë masat për menaxhimin e çdo situate që mund të krijohet.
Reshjet e dëborës u rikthyen këtë të martë edhe në zonat e thella malore të Kukësit
Në Shishtavec, Kollivoz, Grykëçaj, Arren e Topojan, trashësia e dëborës raportohet se ka arritur deri në 5 centimtra
Prania e ujit në rrugë, solli pak vështirësi për lëvizjen e mjeteve dhe këmbësorëve, por nuk u raportuan probleme serioze
Në Rrugën e Kombit në disa pika pati rënie gurësh, por pa probleme për qarkullimin e mjeteve
Ndërkohë moti i keq që përfshiu gjirin e Vlorës, detyroi pezullimin e lundrimit.
Trageti i Linjës me Brindisin por edhe mjetet e tjera të lundrimit do të qëndrojnë në Radë të paktën deri të mërkurën, pasi forca e detit arrin deri në 7 tete ballë
Parashikimi i motit tregon një rritje të temperaturave në ditët në vijim në pjesën më të madhe të territorit.
Sigal