Java që kemi hyrë parashikohet një javë me “shije” vere pasi vendi ynë pritet të ndikohet nga kushtet të qëndrueshme atmosferike me plot orë me diell si dhe temperatura në rritje, thonë sinoptikanët e Shërbimit Meteorologjik Ushtarak.
Në këtë mënyrë, duke nisur nga dita e Hënë deri dhe ditën e Enjte moti parashikohet i kthjellët në pjesën më të madhe të territorit.
Një paqëndrueshmëri e lehtë pritet për ditën e Premte. Moti parashikohet kryesisht i kthjellët por prej orëve të mesditës edhe alternime vranësirash të cilat hera-herës do të jenë deri të dendura.
Këto vranësira në zonën e jugut dhe pjesërisht qendër do të shoqërohen me reshje shiu me intensitet të ulët. Përreth zonave malore reshjet në formën e rrebesheve dhe stuhive afatshkurtër shoqëruar me shkarkesa elektrike.
