Lul Berisha sfidon SPAK me një mesazh nga arratia: S’kam lidhje me vrasjet që më akuzoni

261
Sigal

Lulzim Berisha ka reaguar në një emision televiziv nga arratia për akuzat e bëra prej SPAK për atentatet ndaj Klodian Saliut dhe Vajdin Lamajt 15 vite më parë.

Në një mesazh, Lul Berisha thotë se është i hapur për drejtësinë, por s’ka asnjë lidhje me ngjarjet kriminale.

Ai e cilëson të gjithë këtë si një sulm për qëllime politike dhe se e sfidon SPAK që t’i vendosë përpara prova e fakte që e implikojnë në këtë ngjarje.

‘’Lulzim Berisha në një mesazh pak minuta më parë për ka deklaruar se është i hapur për drejtësinë, po s’ka asnjë lidhje me ngjarjet kriminale. Thotë se nuk ka asnjë lidhje me vrasjen e Klodian Saliut, pasi kur ka ndodhur ishte për kurim në një spital në Turqi. Faktet ja ka bërë të ditur Krimeve të Rënda.

Për vrasjen e Vajdin Lamajt, ai e mohon kategorikisht akuzën. Kërkon nga SPAK t’i vërë në dispozicion prova dhe fakte që e implikojnë. E gjitha kjo thotë se është sulm për qëllime politike ndaj tij. Nuk dihet nëse do vetëdorëzohet, por deklaron se SPAK duhet t’i vendosë prova përpara sepse po e fut në hasmëri me persona të ndryshëm.