Një ngjarje e rëndë ka ndodhur në Korçë, pasi një burrë ka hedhur nga shkallët bashkëshorten e tij 55-vjeçare me iniciale D. M., duke i thyer këmbën e djathtë.
Mësohet se ngjarja ka ndodhur 6 ditë më parë, por ai e ka mbajtur në banesë deri ditën e djeshme, e më pas e ka çuar në spital, aty ku e dhunuara ka treguar për bluzat e bardha se bashkëshorti e ka shtyrë.
Denoncimi u bë sot prej saj në uniformat blu, ndërsa bashkëshorti me iniciale F. M., u shoqërua në komisariat për të dhënë deklaratën e tij dhe për t’u përballur me veprën penale që do të përcaktohet nga prokurori i gatshëm.
Shkak për shtyrjen është një motiv banal, një gotë vaji siç thuhet nga ana e të dhunuarës. Përgjatë këtyre ditëve, bashkëshorti nuk e ka lejuar të kontaktojë më familjarët e saj, ndërsa bëhet me dije se vajza e vetme e çiftit jeton prej vitesh në Itali.
Sipas burimeve nga spitali dhe bluzave të bardha, dëmtimet e shkaktuara nga dhuna, janë të pariparueshme, të cilët tregojnë se është shumë e vështirë për të kuruar totalisht këmbën e djathtë, dhe ka rrezik që të dëmtuarës të mos i funksionojë këmba.
