Policia ka shoqëruar në komisariat një gazetar në qytetin e Bulqizës.
I shoqëruar në komisariat ka përfunduar gazetari Sami Curri. Kjo, për shkak se ai kishte shpërndarë në rrjetet sociale, ftesën për protestën e sotme të qytetarëve për rritjen e çmimit të naftës në Rrugën e Arbrit.
Pas 1 orë proteste në Rrugën e Arbrit mes 2 lagjeve të Bulqizës dhe në Qafën e Buallit, dhjetëra qytetarë janë shpërndarë paqësisht.
Gazetari Sami Curri po mbahet në komisariatin e policisë në Bulqizë.
