Kapet me katër milionë euro kokainë, pranga 24-vjeçarit shqiptar në Itali

59
Sigal

Një 24-vjeçar shqiptar është vënë në prangat e policisë italiane për shkak se akuzohet për trafikim kokaine.

Sipas asaj që raportojnë mediat italiane, i riu shqiptar kishte kthyer garazhin e banesës së tij në një dyqan ku të vjetër vinin dhe blinin kokainë.

Pas kontrolleve, policia italiane I gjeti shqiptarit një sasi prej 75 kilogramë kokainë, të cilën e kishte fshehur në makinën që kishte parkuar në garazh.

Po ashtu policia ka mundur të arrestojë edhe një 46-vjeçar I cili ishte bashkëpunëtor i shqiptarit. I arrestuari i dytë ishte me orgjinë nga Roma.

Sipas raportimeve në mediat italiane, nëse droga do arrinte të shitej do të kapte vlerën e të paktën 4 milionë eurove.