Ka rinisur prishja e banesave në Stacionin e Trenit, të cilat preken nga projekti i zgjatimit të bulevardit në Tiranë. Janë katër banesa që janë parashikuar të shemben sot nga INUK. Banorët kundërshtojnë këtë vendim, pasi kanë kundërshti lidhur me vlerën e kompensimit. Më herët patën një përplasje me uniformat blu. Ndërkaq mësohet se policia ka liruar 2 persona që u shoqëruan më herët në komisariatin numër 3 në kryeqytet.
