Është plotësisht e vërtetë që rinia ka bërë revolucione, ka bërë ndryshimet e epokave e ka bërë zhvillimin politik. Por kohët kanë ndryshuar. Sëmundja e shekullit sot është individualizmi. Kjo do të thotë se për politikën, e cila është në rradhë të parë solidaritet e bashkëpunim, të rinjve pak ose aspak ua ndjen. Në mungesën e ideologjive, për të cilat brezat e mëparshëm dhanë edhe jetën, sot të rinjtë preferojnë indiferentizmin
Një një intervistë për Telegraf “, Prof. Dr. Zamira Çavo një nga zërat intelektual që për vite me radhë ka sjellë në vëmendje se si degradimi në arsim do sillte kaos për shoqërinë thekson se Demokracia nuk është shoë, është pjesëmarrje. Prof. Çavo sjellë për lexuesin këndvështrimet mbi rininë e sotme dhe politikë. Në fund analizon se: Në mendimin tim që në shkollat fillore duhet mësuar qytetaria, pjesmarrja, empatia, solidariteti. Në shkollat e mesme duhet mësuar logjika e duhen nxitur debate mbi problemet e jo mbi individët, duhet mësuar historia e gjeografia. Sa kohë që nuk e shikojmë këtë si emergjencë kombëtare unë nuk pres Demokraci. Ja intervista e plotë:
Pyetje: Ju në një status tuajin keni shkruar : Rinia e sotme nuk do t’ia dijë për politikën! Çfarë do të thotë kjo? Ndërkohë që në të gjithë historinë e botës rinia ka çuar përpara zhvillimet politike.
Përgjigje. Po e nis nga kjo e fundit. Është plotësisht e vërtetë që rinia ka bërë revolucione, ka bërë ndryshimet e epokave e ka bërë zhvillimin politik. Por kohët kanë ndryshuar. Sëmundja e shekullit sot është individualizmi. Kjo do të thotë se për politikën, e cila është në rradhë të parë solidaritet e bashkpunim, të rinjve pak ose aspak ua ndjen. Në mungesën e ideologjive, për të cilat brezat e mëparshëm dhanë edhe jetën, sot të rinjtë preferojnë indiferentizmin. Kjo është globale, por në këtë Shqipërinë tonë të vogël, kjo është alarmante. Dhe e dini përse?
- Sepse të rinjtë shqiptarë sot, të lindur në fundin e viteve ‘90 janë të rinj që u lindën e u rritën në një mjedis acid politik e social. U rritën në një kohë kur lirinë e kuptuan si ua donte mëndja dhe dëshira e tyre, e jo si përgjegjësi. U rritën me një teknologji, që i çoi drejt rrjeteve sociale e i bëri tërësisht të varur nga to. Jo vetëm kaq, por edhe prindërit e tyre, pra ata të lindurit në vitet 80 janë përfshirë në trendin e tiktokut, egoizmit, parasë dhe pasurimit pa lodhje.
- Sepse shkolla shqiptare ka marrë tatëpjetën që në fund të viteve 90 dhe dija, që është baza e edukimit , u shndërrua në një nevojë për një copë kartoni dhe jo për dije. Nuk besoj se keni nevojë për shembuj këtu pasi kam folur me dhjetra herë për këtë problem.
- Sepse sot të rinjtë nuk njohin as historinë, as gjuhën e as politikën. Do thoni ju përse duhen këto? Sepse po nuk i njohe bën të njëjtat gabime!
- Sepse ne, në AND-n tonë sociale asnjëherë nuk kemi rendur si popull pas dijes, me dëshirë, por nga detyrimi dhe frika! Dhe kur detyrimi u zhduk bashkë me frikën, “liria” lulëzoi si i deshi qejfi individit.
Ne, në AND-n tonë sociale asnjëherë nuk kemi rendur si popull pas dijes, me dëshirë, por nga detyrimi dhe frika! Dhe kur detyrimi u zhduk bashkë me frikën, “liria” lulëzoi si i deshi qejfi individit. Demokracia ka nevojë për qytetarë dhe jo për tiktoksa! Që të mos keqkuptohemi. Rrjetet sociale përfshi dhe tiktokun, janë mundësi të mira për të zhvilluar ide, mendime e shfaqur dëshira. Por a më thoni sa të rinj keni parë t’i përdorin këto rrjete për ide politike? Sepse qytetarë të bënë dija e të bënë pjesmarrja në jetën publike, mendimi se si mund të ndryshohen gjërat.
Pyetje: Dakord po përse duhen të gjitha këto?
Përgjigje: Sepse Demokracia ka nevojë për qytetarë dhe jo për tiktoksa! Që të mos keqkuptohemi. Rrjetet sociale përfshi dhe tiktokun, janë mundësi të mira për të zhvilluar ide, mendime e shfaqur dëshira. Por a më thoni sa të rinj keni parë t’i përdorin këto rrjete për ide politike? Vetëm për sharje, ofendime, apo deri në bullizime të dikujt, që tenton të bëjë ndonjë hap drejt shpalosjes së një mendimi vetiak.
Sepse qytetarë të bën dija e të bën pjesmarrja në jetën publike, mendimi se si mund të ndryshohen gjërat.
E kuptoni pse ashensori i politikës nxjerr në krye, individë që as ia kanë haberin politikës, ama dinë mirë se si të bëjnë lajka e like në jetë e në rrjetet sociale? Sepse brezit të vjetër të politikës shqiptare, që e kanë mjelë këtë popull deri në pikën e fundit jo të qumështit, por të gjakut, i duhen në lista të rinjë të ngjashëm me këta që fola më sipër! Ata e dinë se këta të rinj nuk mund të bëhen zjarrndezës të së vërtetave, por zjarrfikës të tyre. Ama mund të bëhen zjarrvënës të vendit për interesat e “Njëshit” që i ka nxjerrë në sipërfaqen e politikës.
Nëse nuk je pjesëmarrës në jetën politike, publike, nëse nuk je një person që të dhemb, një problem që nuk është i yti, por i një grupi njerëzish të tjerë, po qe se nuk ka bërë asgjë për të treguar qytetarinë tënde, ti nuk mund të garantosh një Demokraci të qëndrueshme.
Pyetje : Në Parlamentin e ri do të kemi shumë të rinjë . A besoni ju që ata do të sjellin ndryshim në politikën shqiptare?
Përgjigje: Do doja shumë! Dua me zemër t’i besoj të rinjve, por duke u nisur nga mënyra se si janë përzgjedhur, nga psikologjia dhe mentaliteti ynë për politikën dhe mënyrën se si bëhet ajo, nuk kam besim! Dhe kjo nuk dua të merret si mosbesim ndaj rinisë, por mosbesim ndaj asaj rinie që ka në fjalorin e saj vetëm 600 fjalë e që nuk do t’ja dijë për të tjerët, për ata të rinj, që e duan qënien Deputet për CV për përfitime personale e jo për demokracinë e vërtetë, për ata të rinj, që janë në lista jo se e meritojnë dhe krijojnë besim, por sepse “Njëshat” tanë të politikës i kanë zgjedhur si të përshtatshëm.
E kuptoni pse ashensori i politikës nxjerr në krye, individë që as ia kanë haberin politikës, ama dinë mirë se si të bëjnë lajka e like në jetë e në rrjetet sociale? Sepse brezit të vjetër të politikës shqiptare, që e kanë mjelë këtë popull deri në pikën e fundit të gjakut, i duhen në lista me të rinjë të ngjashëm me këta që fola më sipër! Ata e dinë se këta të rinj nuk mund të bëhen zjarrndezës të së vërtetave, por zjarrfikës të tyre. Ama mund të bëhen zjarrvënës të vendit për interesat e “Njëshit” që i ka nxjerrë në sipërfaqen e politikës.
Pyetje: E Si mund të zgjidhet kjo?
Përgjigje: Me një qasje tjetër të arsimit. Në mendimin tim që në shkollat fillore duhet mësuar qytetaria, pjesmarrja, empatia, solidariteti. Në shkollat e mesme duhet mësuar logjika e duhen nxitur debate mbi problemet e jo mbi individët, duhet mësuar historia e gjeografia. Demokracia nuk është show, është pjesëmarrje.
Sa kohë që nuk e shikojmë këtë si emergjencë kombëtare unë nuk pres Demokraci!
