Një 17-vjeçar nga Tirana mësohet se ka humbur jetën paraditen djeshme, e martë 26 maj në spital. Policia e Tiranës ka referuar rastin në prokurori për të zbuluar shkakun e vdekjes. Burime nga policia thanë për gazetaren e BW se 17-vjeçari M. Kashta në datën 31 mars është rrëzuar nga biçikleta dhe ka pësuar dëmtime.
Familjarët e kanë çuar në spital ku u trajtua për 2 javë nga mjekët. Më pas djali është dërguar në banesë ku sërish ka shfaqur shqetësime. Të martën rreth orës 10 ai ka ndërruar jetë në spital.
