Ish kryebashkiaku i Kukësit, Safet Gjici është dënuar me tre vite burgim në lidhje me video-skandalin me shtetasen Alma Kaçi, që konvertohen në dy vite burgim, për shkak të gjykimit të shkurtuar.
Gjicit i është rikualifikuar vepra penale dhe u dënua për shpërdorim detyre, në vend të korrupsionit.
Rikualifikim të veprës penale pati edhe për Alma Kaçin. Ajo u dënua me një vit burg për prostitucion.
Gjici deklaroi në gjykatë se iu ngrit një kurth nga kundërshtari.
