Ditën e sotme në orët e para të mëngjesit është gjetur i pajetë shtetasi P.S 68 vjeç në rrugë të fshatit Kakavijë të Gjirokastrës.
Mësohet se i moshuari nuk kishte shenja dhune në trup dhe se vdekja mund të jetë shkaktuar në mënyrë natyrore.
Mësohet se 68-vjeçari punonte me një karrocë dore për të ndihmuar emigrantët me çantat në pikën kufitare.
Njoftimi i policisë:
Gjirokastër/Informacion paraprak
Më datë 08.12.2021, rreth orës 08:30, nga shërbimet e patrullës së kufirit të gjelbër Kakavije, në rrugë, në fshatin Kakavije, Gjirokastër, është gjetur i pajetë, shtetasi P. S., rreth 68 vjeç, banues në Gjirokastër.
Nga këqyrja paraprake e trupit nuk vërehen shenja dhune. Gjithashtu nga veprimet paraprake hetimore, dyshohet se vdekja mund të jetë shkaktuar nga shkaqe natyrore.
Grupi hetimor ndodhet në vendngjarje dhe po punon për sqarimin e rrethanave të ngjarjes.