Pasditen e sotme u regjistrua një aksident automobilistik në qytetin e Durrësit, ku një auto-ambulancë është përplasur me një mjet tip Benz.
Autoambulanca po transportonte për në spital një të sëmurë, por i ka prerë rrugën në kryqëzim një automjet Benz me targë AA 582 FH në të cilin gjendeshin 5 vetë.
Prej tyre, vetëm njëri ka dëmtime në pjesën e fytyrës, por është jashtë rrezikut për jetën.
Lidhur me aksidentin në fjalë reagon edhe Policia e Durrësit përmes një njoftimi zyrtar.
Sipas saj, e plagosur ka mbetur vetëm shtetasja me inciale E.R, 44 vjeçe, por që fatmirësisht jashtë rrezikut për jetën.
Njoftimi i Policisë, Durrës:
Më datë 26.04.2020, në lagjen nr.13, Durrës, një mjet tip “Benz” me drejtues shtetasin I.R., 36 vjeç, i cili ishte nisur për në spital është përplasur me një autoambulancë.
Si pasojë e përplasjes është lënduar pasagjerja e mjetit “Benz”, shtetësja E.R.,44 vjeçe e cila ndodhet nën kujdesin e mjekëve jashtë rrezikut për jetën.
Grupi hetimor vijon punën për zbardhjen e plotë të shkakut të aksidentit.
