EMRAT/ “Deklaroni pasurinë”, OLF u dërgon formularin tre të dënuarve në Tiranë

44

Operacioni Forca e Ligjit iu ka dërguar formularët për deklarimin e burimeve të pasurisë tre personazheve të tjera të botës së krīmit.

OFL iu është drejtuar të dënuarve në Tiranë Çlirim Marku, Oltjan Maxhari dhe Spartak Muçaj.

Njoftimi i OFL:

Në zbatim të detyrave të përcaktuara në Aktin Normativ të datës 31 janar 2020, vijon pa ndërprerë Operacioni Forca e Ligjit.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krīm të organizuar apo krīme të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

Ç. M., banues në Tiranë, i dënuar për veprën penale “Shfrytëzim prōstitucioni”;
O. M., banues në Tiranë, i dënuar për veprën penale “Vjedhja me dhūnë”;
S. M., banues në Tiranë, i dënuar për veprën penale “Shfrytëzim prōstitucioni”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krīmi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.