Dyshohet se falsifikoi dokumentet e pronësisë në Ksamil, arrestohet 69-vjeçari

65
Sigal

Një 69-vjeçar me iniciale S. O., është arrestuar në Sarandë. Ai dyshohet se ka falsifikuar dokumentet e pronës në Ksamil. 69-vjeçari mendohet se ka tentuar të përfitojë një sipërfaqe toke truall duke aplikuar pranë ASHK Sarandë, me dokumente të falsifikuara.

Gjykata e Shkallës së Parë Sarandë ka caktuar masën e sigurisë “Arrest në burg”, për veprën penale “Falsifikimi i dokumenteve”, me pasoja të rënda.

Njoftimi i policisë:

Sarandë – Finalizohet operacioni policor i koduar “Prevent”. Operacioni u zhvillua Komisariati i Policisë Sarandë, në bashkëpunim me Prokurorinë pranë Gjykatës së Shkallës së Parë Sarandë. Vihet në pranga 1 shtetas që tentoi të përfitonte një sipërfaqe toke, me anë të dokumenteve të falsifikuara.

Vendoset sekuestro preventive mbi sipërfaqen e tokës truall, në Ksamil. Në vijim të punës për evidentimin dhe goditjen e paligjshmërisë, specialistët e Seksionit për Hetimin e Krimeve të Komisariatit të Policisë Sarandë kishin dërguar materialet paraprake hetimore në Prokurorinë pranë Gjykatës së Rrethit Gjyqësor Sarandë, e cila ka regjistruar procedimin penal për veprën penale “Falsifikimi i dokumenteve”.

U bë ndalimi i shtetasit S. O., 69 vjeç, banues në Sarandë. Gjykata e Shkallës së Parë Sarandë ka caktuar masën e sigurisë “Arrest në burg”, për veprën penale “Falsifikimi i dokumenteve”, me pasoja të rënda.

Ky shtetas dyshohet se ka tentuar të përfitojë një sipërfaqe toke truall, në Ksamil. Ai ka aplikuar pranë ASHK Sarandë, me dokumentet të falsifikuara.

Në vijim të veprimeve, nga specialistët për Hetimin e Krimeve të Komisariatit të Policisë Sarandë u bë dhe ekzekutimi i vendimit të Gjykatës së Shkallës së Parë Sarandë, për vendosjen e sekuestros preventive mbi truallin me sipërfaqe 4950 metër katror, në Ksamil. Materialet i kaluan Prokurorisë, për veprime të mëtejshme procedurale.