Dy fëmijë nga komuniteti rom janë rrëmbyer nga rrjedha e lumit Gjancia në Fier.
Ata të dy kanë qënë duke luajtur pranë lumit, kur rrjedha e lumit i ka rrëmbyer. Ka qënë një kalimtar i rastësishëm që i ka shpëtuar dy të vegjëlit nga mbytja.
‘Heroi’ ende i paidentifikuar është futur në lumë dhe i ka shpëtuar të miturit.
Për shkak të reshjeve intensive gjatë ditëve të fundit, fëmijët rrezikonin që t’i merrte rrjedha e lumit.
Ata janë dërguar në spitalin e Fierit dhe po marrin ndihmën e nevojshme mjekësore. Mësohet se të miturit ndodhen jashtë rrezikut për jetën.
