Kanë dalë detaje të tjera nga operacioni i kontrolleve në disa qytete për vrasjen e Shkëlzen Kastratit më 1 shkurt në Fier.
Rreth 7-8 persona janë shoqëruar vetëm në Durrës, kurse një tjetër po merret në pyetje në Fier. Më parë të ndaluar pati edhe në Tiranë.
Prokuroria po heton të gjitha pistat e vrasjes, përfshirë edhe ata që kanë pasur konflikte me të apo familjarë të tij.
Ndërkohë është marrë dhe dokumentacioni i automjetit tip ‘’Range Rover’’ me targa greke, që autori dyshohet se e përdori dhe e dogji poshtë mbikalimit të Baltazezës pasi kreu atentatin.
