Identifikohet shqiptari që iu bë atentat me armë në Itali. Ngjarja që ndodhi mesditën e së dielës ka shkaktuar tmerr dhe panik pasi ka ndodhur në një zonë të populluar si plazhi i Torvaianica.
Siç raportojnë mediat italiane, shqiptari u identifikua si Selavdi Shehaj, 38-vjeç. Ai ishte shoqëruesi i pronarit të plazhit “Bora Bora Beach “në bregdetin e Sirenave në Torvaianica.
Po sipas tyre, shqiptari sapo kishte përfunduar vuajtjen e një dënimi shtëpiak dhe ka disa rekorde për drogë. Pikërisht tek e kaluara e tij e errët po përqendrohen edhe hetimet e karabinierëve.
NGJARJA
Kanë qenë dy autorë të dyshuar me fytyrë të mbuluar, që lëviznin një motorçikletë. Në orën 10:30 njëri prej tyre zbriti nga mjeti dhe hapi zjarr në plazh duke plagosur një shqiptar me precedentë penalë.
Karabinierët e “Compagnia di Pomezia” ndërhynë. I plagosuri u dërgua në spitalin San Camillo me helikopter dhe nuk është në rrezik për jetën.
Policia thotë se agresori u larguan duke u përzier me turmën dhe po kërkohet në mënyrë aktive së bashku me një bashkëpunëtor, i cili dyshohet se e mori atë me një makinë.
