Detaje të reja zbardhen nga vetëhedhja e pacientit 60-vjeçar nga spitali Covid-2 “Shefqet Ndroqi”.
60-vjeçari është hedhur nga kati i tretë i spitalit, ku kishte dhjetë ditë i shtruar nga Covid-19.
Mësohet se gjendja e tij shëndetësore ishte e agravuar, çka ka bërë që pacienti L. S. nga Rrësheni t’i japë fund jetës në mënyrë tragjike.
Pacienti është hedhur nga dritarja e dhomës së tij, teksa kishte gjetur pikërisht një moment kur lëvizja e mjekëve dhe infermierëve ishte më e reduktuar.
Ndërkohë, policia ka sekuestruar kartelën mjekësore të pacientit dhe ka marrë në pyetje mjekët e turnit për të zbardhur ngjarjen.
Ky është viktima e pestë që ka kryer aktin e vetëvrasjes deri tani në dy spitalet Covid, “Shefqet Ndroqi” dhe “Infektivi”, brenda një periudhe të shkurtër kohore.
Në spitalin “Shefqet Ndroqi”, më 13 gusht i dha fund jetës 29-vjeçari Xhino Koça, më 2 shtator u vetëhodh 65-vjeçari Hasan Mira dhe më 1 nëntor 52-vjeçari Preng Gjonaj.
Këto tre fatalitete te “Shefqet Ndroqi” u ndoqën nga vetëhedhja e 69-vjeçarit Reshat Grembi më 10 nëntor, te Spitali Infektiv
