Dy vëllezërit, Durim e Valter Bami dhe Marklen Haka janë liruar nga policia pas shoqërimit që iu bënë ditën e djeshme për t’u marrë në pyetje si persona që mund të kishin dijeni për atentatin ndaj Gentian Bejtjas, ku mbetën të vrarë kunati i tij Ramazan Sino dhe u plagosën dy fëmijët e mitur të objektivit.
Pasi dhanë deklarimet për disa orë me radhë dhe veçmas njëri-tjetrit ata janë lënë të lirë nga Policia e Krujës.
Pritet që ky i fundit të merret në pyetje nga policia, nëse dëshmia e tij do të ndihmojë në hetime.
Tri armët kallashnikovë bashkë me gëzhojat e gjetura në vendngjarje janë dërguar në Laboratorin e Policisë Shkencore dhe pritet përgjigje nëse janë përdorur të treja për të qëlluar, si dhe nëse janë përdorur në ndonjë ngjarje tjetër kriminale.
