Ministrja Mirela Kumbaro nuk është në dijeni të mbetjeve që kanë zaptuar lumin Shkumbin. Ajo u pyet nga gazetarët pas përfundimit të mbledhjes së Këshillit të Ministrave, se kush do mbajë përgjegjësi për mbetjet që kanë zaptuar vendin. Ministrja u shpreh se nuk i ka parë pamjet, por do japë përgjigje kur ta ndjekë rastin.
“Nuk i kam parë pamjet, do i shoh, por nga ana tjetër, në çdo rast, menaxhimi i përditshëm është pjesë e menaxhimit që bën çdo njësi e administratës vendore. Do ta ndjekim dhe do ju japim përgjigje më të sakta”,-tha Kumbaro.
Pak ditë më parë ‘Zëri i Amerikës’ publikoi pamjet e venddepozitimit të paligjshëm buzë lumit Shkumbin në fshatin Bradashesh 3 kilometra larg nga inceneratori. BIRN filmoi me 1 mars një makinë të bashkisë Elbasan duke depozituar mbetje urbane.
