“Sot ne jemi në pushtet dhe, nëse merremi se si qeverisin paraardhësit tanë, kjo është marrëzi. Qeverisën keq dhe humbën. Ne merremi me qeverisjen tonë përballë elektoratit, ç’bëmë në 2017-ën dhe ç’do bëjmë në 2018-ën. Ky është serioziteti i një qeverisjeje dhe jo përndjekja e qeverisë së kaluar, pasi ajo nga elektorati është ndëshkuar…” -Kjo ka qenë kryefjala e takimit të fundvitit me gazetarët e Sarandës për deputetin e Qarkut të Vlorës, përgjegjës politik për N/ prefekturat Sarandë dhe Delvinë. Deputeti Hyseni, për hatër së të vërtetës ka sjellë një risi në Sarandë me hapjen e Zyrës së Deputetit, duke mos e kthyer në zyrë kuadri dhe këtë e ka kërkuar nga gazetarët ta përcjellin tek publiku, pasi është legjislativ dhe përcjellës politik tek kryetari i partisë natyrisht. Për këtë ka sjellë dhe shembuj. Zyra e deputetit dhe vet deputeti, qysh nga hapja me takimin e parë, nuk i ka ndarë takimet me median. Madje është përcjellë me një deklaratë të çuditshme dhe shpresëdhënëse kur deputeti ka thënë, se kjo zyrë deputeti nuk është vetëm e PS-së, por edhe e deputetëve të tjerë të forcave politike, mund ta përdorin kur të duan në takimet e elktoratit të tyre, nuk kemi pse shpenzojmë kot, dera është e hapur. Deputeti Hyseni ka shfaqur platformat politike dhe pritshëmëritë e projekteve që priten të realizohen, por pa eufori, me këmbë në tokë dhe jo fluturak. Deputeti ka deklaruar se duhet ndihma e medias që opinioni të jetë i qartë për situatën. Ndërkohë që ka shpalosur edhe investimet në zonën e minoritetit.
Agron Mema
