Një aksident i rëndë ka ndodhur në Shkodër, ku si pasojë e përplasjes së dy mjeteve, ka humbur jetën një fëmijë 4 vjeç.
Policia bën me dije se aksidenti ka ndodhur në aksin rrugor “Shkodër-Velipojë”, ku edhe personat e tjerë janë lënduar dhe ndodhen në spital nën kujdesin e mjekëve.
Në vendngjarje ndodhet grupi hetimor, i cili po punon për sqarimin e rrethanave të aksidentit.
Njoftimi i policisë:
Rreth orës 13:00, në aksin rrugor “Shkodër-Velipojë”, në vendin e quajtur “Pulaj-Plazh”, automjeti me drejtuese shtetasen K. B., 22 vjeçe, është përplasur me automjetin me drejtues shtetasin P. C., 38 vjeç.
Nga përplasja e automjeteve ka humbur jetën një 4-vjeçar, ndërsa shtetasit e tjerë të dëmtuar janë në kujdesin e mjekëve.
Në vendngjarje ndodhet grupi hetimor, i cili po punon për sqarimin e rrethanave të aksidentit.
