Afganë, mos ejani në Shqipëri, këtu ka Talebanë!

303
Sigal

Tmerr i madh po ndodh në Afganistan. Talebanët po marrin një e nga një qytetet e mëdha dhe shumë shpejt pritet që nisë spastrimi i “bashkëpunëtorëve të amerikanëve”.

Do ikin, janë të trembur për jetën dhe mohimin e të drejtëva. Talebanët mund t’i burgosin, ose edhe t’i heqin nga puna dhe t’i mbajnë nën vëzhgim gjithë kohës, për të ditur ku i kanë banesat, çfarë numrash telefoni përdorin dhe çfarë bindjesh politike shfaqin. Po, po, Talebanët e bëjnë këtë!

Por ata duan të shpëtojnë nga regjimi i i vjetër dhe si rrugë shpëtimi po shohin Shqipërinë. Do të vijnë këtu tek ne, në vendin e “demokracisë”, aty ku mendojnë se nuk mohohen liritë dhe të drejtat e individit, aty ku kanë shpresë se jeta është më e mirë. Shpejt do të pendohen. Këtu në Shqipëri ka Talebanë të mirëfilltë, të maskuar si “Evropianë”.

Talebanizmi është në psikozën e atyre që drejtojnë. Çdo ditë këtu ikin nga vendi dhjetra e qindra qytetarë. Ikin se nuk kanë shpresë, ikin se ka shpërthyer hajnia e madhe nga kupola drejtuese në qeveri deri në administratën lokale. Po ikin se nuk ka punë për të aftët, por vetëm për të binduruit politik dhe tarafet klanore të pushtetit, njësoj si tek “elita Talebane”.

Vërtetë nuk prodhohet heroinë nga fushat e opiumit si në Afganistan, por këtu tek ne të mbyt hashashi. E gjen kudo, sidomos në zonat ku pushteti i konsideron si hambar votash. Kupola e policisë është e lidhur me krimin dhe kjo e vërtetuar edhe me hetimet që vijnë të gatshme nga Italia, Gjermania, Holanda, Belgjika dhe Britania e Madhe.
Po këtu në Shqipëri ka edhe Talebanë politik. Patronazhistë quhen. Ata të dinë adresën e banimit, të punës, numrin e telefonit, bindjet politike që ke, e madje edhe ID-në tënde që mund ta përdorin për çfarë të duan.

Se kush drejton këtu një si tip “Mullai i madh”, që drejton një “sekt politik” Rilindje. Mban mjekër të bardhë, çon nëpër gishta edhe tespie ndonjëherë, bën si babaxhan, se brenda tij fshihet një mënyrë talebane qeverisjeje.

Votën e lirë e ka zët, ka një ushtri të madhe në administratë që e përdor në prag zgjedhjesh. Ekonominë e vendit ua ka dhënë disa të ashtëquajtuarve biznesmenë, por që quhen oligarkë. Pra, Talebanizëm i madh kudo. E në do të shohësh objekte të trashëgimisë kulturore, as mos guxo t’i kërkosh. Talebanizmi prishi një objekt që quhej Teatri Kombëtar dhe kush protestoi e arrestuan dhunshëm dhe i hapën procedim penal. Këtu në këtë vendin ku do të vish ekziston një institucion që quhet Gjykatë Kushtetuese, por anëtarët e saj në fillim u betuan tek noteri poshtë Urës së Lanës (një lum i qelbur).

Nëse mendon se do e zgjidhësh një çëshje në sistemin e drejtësisë, gabohesh shumë. Këtu drejtësia nuk funksionon. Po hape një çështje civile do vite që të përfundojë, e në rastin më të mirë nëse e fiton një të drejtë, askush nuk ta ekzekuton vendimin e formës së prerë të gjykatës. Nëse ke dëgjuar për “Drejtësinë e Re”, ajo është më e vjetër se e “vjetra”. Në gjuhën tënde mund të përmendësh edhe SPAK, por edhe ai institucion merret me kanalet vaditëse të Bashkisë së Lushnjes, ku mushkonja pickon si “AK 47 Taleban”, por le të qetë kryeqytetin ku lartësohen kulla dhe pastrohet para e pisët.

Shumë shqiptarë, ashtu edhe si Afganët sot gjenden nëpër kampet e zilit. Ne po ikim, ju po vini. A shkohet në një vend ku vetë popullsia atje ikën pikërisht nga “Talebanizmi politik”? Mendohu mirë para se të dëgjosh se do të të nisin për në Shqipëri. Mjer ku do të të hedhin!