INTERVISTA/ Flet modelja Diana Avdiu: Nuk e mendoj plazhin nudo
Ajo është ndër modelet më të kërkuara, e cila njëkohësisht studion për regji. Në kohën e lirë lexon libra dhe shikon filma horro, për të perfeksionuar profesionin për të cilin studion. Ha rregullisht, por kur nuk e tepron me ushqimin, ndrysa alkooli për të është tabu.
Për modelet flitet shumë, ato diskutohen kudo në botë. Modele një profesion shumë i vështirë po aq dhe i bukur, kush ju nxiti apo ju zbuloi në këtë rrugë?
– Gjithmonë e kam pasur dëshirë të bëhem modele dhe Miss, gjithçka filloi kur mora pjesë në ”Unë jam Top Model” ku u bëra e njohur pasi dhe fitova në moshën 16- vjeçare.
– Cila ishte sfilata e parë që morët pjesë dhe si u ndjetë pas sfilatës?
Sfilata ime e parë ka qenë në “Prishtina Fashion Week”, kur isha vetëm 15 vjeçe, u ndjeva shumë mirë sepse asnjëherë nuk kam emocione negative që mund të më bëjnë të dukem keq.
– Në sa sfilata keni marrë pjesë dhe cilat kanë qenë vlerësimet?
Kam marrë pjesë në shumë sfilata në Prishtinë dhe Tiranë vlerësimet kanë qenë shumë të mira, tani kam 1 vit që jam imazhe i “SherriHill” në NYC dhe kjo tregon që kam punuar shumë.
-A je ndjerë ndonjë moment keq në këto sfilata?
Jo asnjëherë, sepse kurrë nuk bëhem nervoze.
-A ka hapësirat e duhura Shqipëria për modelet?
Po, ka. Ka vend për të gjithë. Mendoj se çdo vend ka nevojat e veta edhe për modelet dhe për miset.
-Cilat janë top modelet që ju keni më për zemër?
Carmen Dell’Orefice, një nga modelet më të vjetra në botë plot 82- vjeçare dhe unë e kam shumë për zemër sepse fatmirësisht kam pasur dhe fatin të punoj me të.
-Thuhet se modelet bëjnë një regjim të fortë, ushqimi, pra dietë, a nuk kaloni në anoreksi? Cila është dieta juaj ditore? A e shkelni regjimin ditor të ushqimit dhe në cilat raste?
Thjeshtë jam e kujdesshme me ushqimin dhe bëj palestër, vrap, sport. Më ndodh ta shkel regjimin në raste festash.
-Një trup perfekt, keni menduar ndonjëherë për operacion plastik?
Jo nuk kam menduar për operacione, falë Zotit nuk kam asnjë deformim. Nuk mbahet trupi me operacione.
-Keni menduar ndonjëherë për plazh nudo?
Jo, besoj se nuk do bëj kurrë plazh nudo.
– A pini duhan dhe alkool?
Duhanin po, alkool jo. Ndoshta jam pak ndryshe.
– A jeni e dashuruar dhe çfarë është dashuria për ju?
Jo nuk jam e dashuruar, nuk kam qenë asnjëherë deri tani. Të dashurosh është diçka e shenjtë.
-Si e mendoni mashkullin ideal?
Nuk është se kam një ide në kokë sesi duhet të jetë fizikisht. Por të jetë i sinqertë, të mos gënjej asnjëherë.
-Pëlqen një mashkull të bukur, me para apo inteligjent?
Inteligjent. Paraja vete dhe vjen.
A ka moshë ky profesion?
Absolutisht jo, n.q.s e ke me dëshirë mund ta vazhdosh deri sa të plakesh.
Çfarë bëni në kohën e lirë?
Më pëlqen të lexoj ose të shikoj filma horror, pasi studioj për regji filmi në vit të dytë.
