Noti merr notën “kaluar çdo parashikimi” në Malin e Zi, 39 medalje, nga të cilat 8 janë ari, 13 argjendi dhe 18 bronzi
Një sukses i jashtëzakonshëm i notit shqiptar në turneun “Mimosa 2015” që u zhvillua në Hercegnovë nga data 14-16 shkurt ku morën pjesë shumë klube shqiptare të notit e që falë garimit të këtyre sportistëve të rinj në moshë, u arrit shumë për notin shqiptar ku u morën 8 medalje të arta, 13 medalje argjendi dhe 18 bronzi, me një total prej 39 medaljesh, duke arritur kështu një paraqitje mbresëlënëse nga të gjithë notarët e secilit klub shqiptar që mori pjesë në këtë turne ndërkombëtar. Por, një arritje e madhe u bë nga Franc Aleksi që arriti të merrte medaljen e bronztë në klasifikimin e përgjithshëm individual, duke qenë ndër tre më të mirët sa i përket arritjeve individuale dhe pikëzimit. Sa i përket anës cilësore, duhet të theksojmë se janë vetëm dy notarët që e kapën kuotën e 600 pikëve finale, Franc Aleksi i klubit KS Tirana me 607 pikë dhe Nikol Merizaj e klubit Te Stela me 600 pikë. Ndërkohë, tek kategoria B për femra, mosha deri 13 vjeç, vlen të përmenden A. Neziri (13 vjeç) që arrin kuotën e 444 pikëve, L. Allaraj (12 vjeçe) me 409 pikë dhe S. Kapedani (11 vjeç) me 375 pikë. Po në këtë kategori, por deri në moshën 15 vjeç janë Aleksandër Ngresi (15 vjeç) me 476 pikë, Frenc Berdaku (15 vjeç) me 462 pikë dhe Ergi Veli (14 vjeç) me 423 pikë. Nisur nga këto rezultate, shihet qartë se sa i përket rekordeve dhe arritjeve, është çdo moshë e përfshirë, duke bërë paraqitje dinjitoze në çdo garë dhe në çdo turne. Bilancet e këtij turneu janë tejet pozitive, ku ashtu si në dhjetor në Doha, edhe këtu notarët shqiptarë, të rinjtë e këtij sporti, ia dolën që të bënin përsëri paraqitje nga më dinjitozet, ku përveç medaljeve u thyen edhe rekorde kombëtare, synim ky që qëndron në kokën e çdo notari. Në krahasim me turneun e vjetshëm, arritjet e këtij viti janë ku e ku më të mëdha pasi vjet u arritën në total 6 medalje, 1 ari, 2 argjendi, 3 bronzi, ndërkohë që këtë vit 8 ishin vetëm medaljet e arit. Një përparim i jashtëzakonshëm brenda një viti, pasi në këtë rast me plot gojën mund të thuhet se u tejkaluan të gjitha pritshmëritë, duke arritur kësisoj një nivel edhe me të lartë se sa pritej. Këto performanca dhe arritje janë një shembull i qartë i punës së mirë që po bëhet në këtë sport, ku çdo ditë e më shumë po vihet re një përfshirje masive e të rinjve që duan të bëhen pjesë e këtij sporti, ku me mbështetjen edhe të trajnerëve edhe të Federatës, arritjet janë të një niveli shumë të lartë, duke u matur kësisoj me notin ndërkombëtar në çdo turne.
Flet Dashamir Bregu, trajneri i Partizanit në not
“Arritëm shumë në “Mimosa Cup”, rezultate edhe më të mira do të vijnë”
Partizani ishte një nga klubet shqiptare që morën pjesë në këtë turne, duke arritur madje të merrnin edhe medalje, 5 në total, edhe pse mosha e notarëve të këtij klubi është shumë e vogël ku variojnë nga 9 deri në 14 vjeç. I pyetur nga “Telegraf”, trajneri Bregu jep një shikim më të qartë në lidhje me zhvillimet gjatë këtij turneu, duke shprehur bindjen se me punën që po bëhet dhe me notarët që janë pjesë e ekipit, situata do të përmirësohet edhe më.
Zoti Bregu, Partizani ishte pjesëmarrëse në “Mimosa Cup”, në tërësi si u ndatë?
Arritjet ishin shumë të kënaqshme, ku morën 5 medalje, nga të cilat 3 ari, një argjendi dhe 1 bronzi. Këto medalje u morën nga Ergi Veli për meshkuj dhe Ledia Allaraj për femra, ku Veli bëri të vetat tre medalje ndërsa L. Allaraj 2 medalje.
A u përmbushën pritshmëritë?
Në tërësi ekipi doli me rezultate shumë të mira, pasi duhet të kujtojmë që në përbërjen e klubit tonë mosha e fëmijëve variojnë nga 9 deri në 14 vjeç, pra, një moshë relativisht e re për notarët tanë, por që gjithsesi ia dolën që të sillnin në shtëpi si medalje ashtu edhe të thyenin katër rekorde kombëtare për moshën e tyre. Në fakt, kur sheh se si arrihet suksesi në këtë pikë, merr kënaqësi edhe më të madhe, pasi në një farë mënyrë merr frytet e punës së bërë dhe besoj se këtë ndiejnë të gjithë notarët kur shohin rezultatet e tyre.
Çfarë objektivash e presin ekipin e Partizanit?
Në fakt, puna më e mirë që mund të bëhet është të synohet përmirësimi, e kjo arrihet vetëm duke shtuar objektivat ndaj vetes dhe grupit në tërësi.
Si shihet e ardhmja nëpërmjet këtyre notarëve?
E ndritur, padyshim! Me punën që po bëhet dhe me talentin që kanë të gjitha notarët, në garat dhe turnetë e ardhshëm ne do të shtojmë medaljet dhe do të përmirësojmë rezultatet, ky është një synim, një qëllim i të gjithëve ne. Në fakt ekipi është shumë i ri në moshë, çka është një tregues i qartë për një të ardhme premtuese për vetë ekipin por edhe për secilin nga notarët.
A u panë përmirësime në tërësi tek notarët?
Po, sigurisht! Edhe notarët që nuk arritën të fitonin medalje u pa qartë se kanë bërë përmirësime, duke bërë krahasimin me kohët që kanë arritur më përpara, e që në fakt ishte kënaqësi t’i ndiqje gjatë garimit.
Faleminderit!
Medaljet e fituara (ar-argjend-bronz)
Franc Aleksi 4 – 1 – 2
Ergi Veli 2 – 1 – 0
Deni Baholli 1 – 0 – 1
Ledia Allaraj 1 – 0 – 1
Nikol Merizaj 0 – 1 – 4
Vasil Lavdaniti 0 – 3 – 0
B. Papinova 0 – 2 – 1
Dhimitër Noçka 0 – 2 – 0
Alesia Neziri 0 – 1 – 2
Binald Mahmuti 0 – 1 – 2
Diana Basho 0 – 1 – 1
Aleksandër Ngresi 0 – 0 – 2
Mishel Xhaferi 0 – 0 – 2
Medaljet në total për ekipet shqiptare
KS Tirana 16
Te Stela 9
Nobis 9
Partizani 5
Teuta 4
Tirana Delfina Sport 1
Medalistët për çdo garë
50m bretkosë /meshkuj, kategoria B:
1. Vladimir PETRAS – Proletar – 33.98- 410 pikë
2. Ergi VELI – Partizani – 34.10 – 405 pikë
3. Bianti PAPINOVA – Nobis – 35.27 – 366 pikë
400m stil I lire/ femra, kategoria A
1. Tanja ŠMID, Jug – 4:17.41- 756 pikë
2. Špela BOHINC, Jug – 4:21.51 – 721 pikë
3. Nikol MERIZAJ, Te Stela – 4:39.62 – 589 pikë
400m stil I lirë/ meshkuj, kategoria B
1. Uroš ĐOKOVIĆ – PS Beograda, BG -4:17.49 – 560 pikë
2. Aleksa MATIĆ – PS Beograda, BG – 4:20.41 – 541 pikë
3. Aleksandër NGRESI – Teuta, DU – 4:31.65 – 476 pikë
400m Stil i lirë / meshkuj, kategoria A
1. Franc ALEKSI, KS Tirana – 4:10.64 – 607 pikë
2. Uroš ĐOKOVIĆ , PS Beograda – 4:17.49 – 560 pikë
3. Binald MAHMUTI, KS Tirana – 4:18.62- 552 pikë
200m Delfin/Fly Otvoreno
1. Franc ALEKSI, Tirana – 2:11.99 – 556 pikë
2. Zoran VUJČIĆ , Leotar – 2:14.31 – 528 pikë
3. Vladimir PETRAS, Proleter, – 2:20.07- 465 pikë
50m shpinë femra/ kategoria B
1. Nađa BASTA, PS Beograda, – 34.38 -417 pikë
2. Alesia NEZIRI, KS Tirana, – 34.59 – 410 pikë
3. Ledia ALLARAJ, Partizani, – 34.91 – 398 pikë
50m shpinë meshkuj/ kategoria B
1. Vuk TOMOVIC, Proleter, ZR – 30.22 – 418 pikë
2. Vasil LAVDANITI, Nobis ST, TI- 31.27 -378 pikë
3. Arber TUSHA, KS Tirana, TI – 31.43 -372 pikë
200m IM/ femra, kategoria A
1. Tanja ŠMID, Jug, DU -2:18.98 – 696 pikë
2. Špela BOHINC, Jug, DU- 2:22.70 -643 pikë
3. Nikol MERIZAJ, Te Stela SA- 2:28.25 -573 pikë
200m Stil i lirë/ meshkuj, kategoria B
1. Aleksa MATIĆ, PS Beograda, BG- 2:02.48 -534 pikë
2. Dušan BABIĆ, S PS Beograda, BG- 2:04.45 -509 pikë
3. Aleksander NGRESI , Teuta, DU- 2:08.84 -458 pikë
200m Stil i lirë / meshkuj, kategoria A
1. Boško RADULOVIĆ, Vojvodina, NS- 1:57.30 – 607 pikë
2. Franc ALEKSI, KS Tirana, TI -1:57.54- 604 pikë
3. Binald MAHMUTI , KS Tirana, TI – 2:01.49 -547 pikë
100m shpinë/ femra, kategoria B
1. Anja JELESIJEVIČ , PK Olimpija -1:09.72 -497 pikë
2. Nađa BASTA, PS Beograda, BG -1:13.16 -430 pikë
3. Alesia NEZIRI, KS Tirana, TI -1:16.91 -370 pikë
200m bretkosë/ meshkuj, kategoria B
1. Ergi VELI, Partizani TI -2:40.63- 423 pikë
2. Bianti PAPINOVA, Nobis ST, TI -2:47.59 -373 pikë
3. Mishel XHAFERI, Te Stela SA – 2:57.20 -315 pikë
200m bretkosë/ meshkuj, kategoria A
1. Deni BAHOLLI, Te Stela SA -2:29.12 -529 pikë
2. Kevin DURAKU, Nobis ST, TI -2:33.52 -485 pikë
3. Zoran VUJČIĆ, Leotar, TR -2:34.46 -476 pikë
100m Delfin / femra, kategoria B
1. Teodora JEJINA, 02 PS Beograda, BG – 1:12.95 – 429 pikë
2. Adriana MARINOVIĆ, 02 Jug, DU – 1:13.38 -422 pikë
3. Arsinda DERVISHI, 02 Nobis ST, – TI 1:24.97 -271 pikë
200m shpinë/ meshkuj, kategoria B
1. Dušan BABIĆ, S. 00 PS Beograda, BG – 2:22.56 – 412 pikë
2. Vasil LAVDANITI, 00 Nobis ST, TI – 2:26.35 – 381 pikë
3. Nemanja ZLATIĆ, 00 PS Beograda, BG -2:26.50- 379 pikë
200m shpinë/ meshkuj, kategoria A
1. Mate ËINKLER, 95 unattached- 2:00.93 -675 pikë
2. Dhimiter NOCKA, 96 Teuta, DU – 2:19.51 -440 pikë
3. Dušan BABIĆ, S. 00 PS Beograda, BG – 2:22.56 – 412 pikë
50m Delfin / meshkuj, kategoria A
1. Maksim INIC, 96 Theresianum, ËI -25.45 -628 pik,
2. Boško RADULOVIĆ, 96 Vojvodina, NS – 26.09- 583 pik,
3. Franc ALEKSI, 98 KS Tirana, TI – 27.81 -481 pik,
100m Stil i lirë/ femra, kategoria A
1. Tanja ŠMID, 90 Jug, DU – 1:00.08 -612 pikë
2. Jovana TERZIĆ, 99 Jadran, – HN- 1:00.17- 609 pikë
3. Nikol MERIZAJ, 98 Te Stela SA- 1:00.47 -600 pikë
200m IM / meshkuj, kategoria A
1. Franc ALEKSI, 98 KS Tirana, TI -2:15.63 – 528 pikë
2. Binald MAHMUTI, 99 KS Tirana, TI -2:17.28 -509 pikë
3. Uroš ĐOKOVIĆ, 01 PS Beograda, BG – 2:18.07 – 500 pikë
200m Stil i lirë/ femra, kategoria A
1. Tanja ŠMID, 90 Jug, DU -2:07.24 -666 pikë
2. Špela BOHINC, 95 Jug, DU – 2:09.15 -637 pikë
3. Nikol MERIZAJ, 98 Te Stela SA – 2:12.62 -589 pikë
100m shpinë / meshkuj, kategoria B
1. Vuk TOMOVIC, 00 Proleter, ZR -1:05.45 -418 pikë
2. Vasil LAVDANITI, 00 Nobis ST, TI -1:07.66 -378 pikë
3. Nemanja MARIC, 00 Proleter, ZR -1:07.88 -374 pikë
100m shpinë/ meshkuj, kategoria A
1. Mate ËINKLER, 95 -55.92 -670 pikë
2. Dhimiter NOCKA, 96 Teuta, DU -1:04.19 -443 pikë
3. Vuk TOMOVIC, 00 Proleter, ZR -1:05.45 -418 pikë
100m Delfin/ meshkuj, kategoria A
1. Boško RADULOVIĆ, 96 Vojvodina, NS -58.72 -562 pikë
2. Uroš ĐOKOVIĆ ,01 PS Beograda, BG -1:00.08 -525 pikë
3. Franc ALEKSI, 98 KS Tirana, TI -1:00.71 -509 pikë
200m shpinë/ femra, Kategoria B
1. Teodora MILOŠEVIĆ, D 02 PS Beograda, BG-2:39.00 -430 pikë
2. Sonja KAPEDANI, 04 Nobis ST, TI -2:46.37 -375 pikë
3. Nina DAJKOVIĆ, 02 Budva VK, BU -3:00.54 -293 pikë
200m shpinë / femra, kategoria A
1. Tanja ŠMID, 90 Jug, DU -2:26.21 -553 pikë
2. Rita ZEQIRI, 95 Step, Pr -2:33.80 -475 pikë
3. Diana BASHO, 00 KS Tirana, TI -2:35.75- 457 pikë
100m bretkosë/ meshkuj, kategoria B
1. Ergi VELI, 01 Partizani, TI -1:15.00 -407 pikë
2. Bianti PAPINOVA, 01 Nobis ST, TI -1:15.82 -394 pikë
3. Mishel XHAFERI, 01 Te Stela SA 1:
100m bretkosë/ meshkuj, kategoria A
1. Ivan BILIĆ, 90 Jug, DU- 1:04.50 -640 pikë
2. Leonard POSA, 97 Proleter, ZR -1:07.79 -552 pikë
3. Deni BAHOLLI, 98 Te Stela SA- 1:07.91 -549 pikë
50m Delfin/ femra, kategoria B
1. Ledia ALLARAJ, 03 Partizani, TI -33.17 -397 pikë
2. Jovana VUJOVIĆ, 02 Budva VK, BU -33.18 -396 pikë
3. Teodora JEJINA, 02 PS Beograda, BG -33.26 -393 pikë
100m stil i lirë/ meshkuj, kategoria A
1. Franc ALEKSI, 98 KS Tirana, TI -56.07 -514 pikë
2. Mihael VIDOJEVIĆ, 98 Jug, DU -56.50 -503 pikë
3. Ludvig ARIFI, 98 Tirana Delfina Sport -56.61 -500 pikë
50m Stil i lirë / femra, kategoria B
1. Nađa BASTA, 02 PS Beograda, BG -29.26 -501 pikë
2. Anđela ANTUNOVIĆ, 02 Jadran, HN -29.84 -472 pikë
3. Alesia NEZIRI, 02 KS Tirana, TI -30.46 -444 pikë
50m stil i lirë/ femra, kategoria A
1. Amina KAJTAZ, 96 Jug, DU -27.75 -587 pikë
2. Nikol MERIZAJ, 98 Te Stela SA -27.96- 574 pikë
3. Jovana TERZIĆ, 99 Jadran, HN -28.11 -565 pikë
Numri i medaljeve të fituara nga çdo notar
Franc ALEKSI, 98, ALB KS Tirana – Tirana 7
Ergi VELI, 01, ALB Partizani – Tirana 3
Deni BAHOLLI, 98, ALB Te Stela SA 2
Ledia ALLARAJ, 03, ALB Partizani – Tirana 2
Vasil LAVDANITI, 00, ALB Nobis ST – Tirana 3
Bianti PAPINOVA, 01, ALB Nobis ST – Tirana 3
Dhimiter NOCKA, 96, ALB Teuta – Durres 2
Nikol MERIZAJ, 98, ALB Te Stela SA 5
Alesia NEZIRI, 02, ALB KS Tirana – Tirana 3
Binald MAHMUTI, 99, ALB KS Tirana – Tirana 3
Diana BASHO, 00, ALB KS Tirana – Tirana 2
Aleksander NGRESI, 00, ALB Teuta – Durrës 2
Mishel XHAFERI, 01, ALB Te Stela SA 2
RENDITJA E PËRGJITHSHME EKIPORE
1. PS Beograda, BG BEOGRA , 423 PIKË
2. Jug, DU JD 395 PIKË
3. Proleter, ZR PRO 211 PIKË
4. KS Tirana, TI XX11 193 PIKË
5. Jadran, HN HN 128 PIKË
6. Nobis ST, TI NSTTI 116 PIKË
7. PK Olimpija ,OL 115 PIKË
8. Vojvodina, NS VOJ 105 PIKË
9. Teuta, DU XX20 98 PIKË
10. Te Stela, SA TSTI 88 PIKË
11. Partizani, TI XX13 58 PIKË
12. Bosna, SA BOSA 57 PIKË
13. Budva VK, BU BUBU 41 PIKË
14. HOD Uszo, SE HOD 32 PIKË
15. Theresianum, ËI THËI 24 PIKË
16. Zrinjski, MO ZRMO 24 PIKË
17. Step, Pr STPR 22 PIKË
18. Leotar, TR LETB 20 PIKË
19. Novi Grad, SA NGSA 17 PIKË
20. Primorac, KO PKO 12 PIKË
21. Velež, MO VEMO 12 PIKË
22. ST Kosova, PR STKO 8 PIKË
23. Tirana Delfina Sport, XX21 7 PIKË
24. SV Friesen Ëien, FRËI 6 PIKË
25. Čelik-Želj, ZE CEZEZE – 0 PIKË
26. Stari Grad, BU SGBU – 0 PIKË
27. Jon, VL XX10 – 0 PIKË
28. Termopan, PR TPPR – 0 PIKË
29. Tradita C, TI TRTI – 0 PIKË
30. Priština, PR PRPR – 0 PIKË
31. Mitrovica, MI MIMI – 0 PIKË
KLASIFIKIMI I PËRGJITHSHËM INDIVIDUAL, MESHKUJ
1. Mate WINKLER, 95, 1345 PIKË
- Ivan BILIĆ, 90, JD 1289 PIKË
- Franc ALEKSI, 98, XX11 1211 PIKË
Rikthehet Liga e Kampioneve, sonte te gjithë sytë nga PSG-Çelsi
Pas më shumë se dy muajsh mungesë, rikthehet përsëri në një nga fazat më të bukura të saj, Liga e Kampioneve, pikërisht sot me dy takime mjaft të forta, por që diferencën e bën padyshim PSG-Çelsi, përballja e dy prej ekipeve më në formë për momentin në Europë, ndërkohë takimi tjetër është mes Shaktarit dhe Bajernit, ndeshje që të vetmin rezultat surprizë në fund të takimit do të kishte fitoren e vendasve.
Ndeshja e javës, “finale” që në çerekfinale
Një ndeshje e madhe kjo mes PSG dhe Çelsit, e sidomos pas kujtimeve që ka lënë takimi i vjetshëm mes këtyre dy ekipeve, ku në fund u kualifikuan londinezët. Është koha për parizienët që të fitojnë dhe të hakmerren për humbjen e vjetshme, pasi gëzojnë potencial të mjaftueshëm për të përballuar jo vetëm Çelsin por çdo ekip tjetër në këtë kompeticion, ashtu siç e treguan edhe vjet. Përballja e këtyre dy skuadrave takon edhe disa “ish” të bluve, ku përballë Murinjos këtë radhë do të jetë edhe David Luiz, braziliani i cili u shit tek PSG duke mos gjetur hapësirat e mjaftueshme nën drejtimin e portugezit. E sipas këtij të fundit, Murinjo do ta ketë të pamundur të ndalë Ibrahimoviçin, e kjo thënie mund të jetë e vërtetë për çdo trajner, por jo për “Specialin”.
Bajerni në kërkim të kualifikimit që në ndeshjen e parë
Po sonte, ndeshja e dytë që luhet është mes Shaktarit të Donjetskut dhe Bajernit të Mynihut, ku këta të fundit vijnë pas një fitoreje mbresëlënëse në Bundesliga, ku mundën Hamburgun me rezultatin e thellë 8-0. Bajerni është dukshëm më i fortë se Shaktari, e pritet që mos të ndeshë probleme ndaj ukrainasve, edhe pse nuk pretendohet një fitore 8-0 përsëri. Nga ana tjetër, edhe ukrainasit kanë treguar se janë një ekip i mirë dhe dinë të prodhojnë lojë të bukur, të shpejtë dhe me kundërsulme vrasëse. Që të fitojë ndaj Bajernit i duhet shumë fat, e përpos fatit edhe lojë në perfeksion. Janë dy kombinime që, në fakt, Bajerni nuk të lejon t’i bësh bashkë, të paktën jo në këtë fazë dhe formë që po kalojnë.
Takimet e nesërme
Edhe e nesërmja parashikon ndeshje të forta, ku përballë do jenë Bazeli me Porton dhe Shalke me Realin. Sa i përket ndeshjes së parë, Bazeli mat forcat me portugezët, e ndoshta duhet ta quajnë veten me fat që përballë nuk ju ra një ekip tjetër, sepse shumë mirë mund të kishin Barcelonën, Bajernin, Dortmundin apo Atl. Madridin. Zviceranët kanë një shans të artë që të ecin më tutje, duke marrë parasysh edhe formën aktuale që gëzojnë, sidomos disa nga futbollistët si Gashi dhe Xhaka që po bëhen shumë ndikues në ekip. I fundit takim për javën është mes “mbretërorëve blu” dhe “mbretërve të Europës”, ku Shalke pret në shtëpi kampionët në fuqi të Ligës së Kampioneve, Realin e Madridit. Në letër, çdo gjë flet për madrilenët, por gjermanët mund të bëjnë ndonjë surprizë edhe pse nuk cilësohen si ekip që mund t’i prishë punë të besuarve të Ançelotit.
Hamdi Salihi është me fat, jashtë fushave vetëm 2 javë
Dëmtimi i “rëndë” i Salihit nuk ishte aq i rëndë sa e deklaruan mediat izraelite, që theksuan se lojtari ishte dëmtuar duke thyer brinjët sa nuk do të mund të luante më për pjesën e mbetur të sezonit. Por, diçka e tillë, për fat të mirë, ka rezultuar e gabuar pasi Salihi pas diagnozës së mjekëve nuk ka rezultuar me brinjët e thyera, diçka e konfirmuar edhe nga trajneri i Kombëtares shqiptare, De Biazi, i cili tha se sulmuesi nuk ka dëmtimin që mendohej, duke hedhur poshtë zërat e parë. Shkodrani do të jetë gati për ekipin e tij javët e ardhshme, e, ndërkohë, sa i përket Kombëtares, deri më 29 mars nuk pritet të ketë probleme fizike për të, duke u bërë gati për ndeshjen më të parë dhe më të rëndësishme të këtij viti për Kombëtaren shqiptare.
Debatik Curri: Shqipëria do të kualifikohet për Euro 2016
Duket se pozitiviteti është një nga dukuritë që e gëzojnë në masë futbollistët e Kombëtares Shqiptare, e kjo nisur nga deklaratat e tyre, e më e fundit ndër to është ajo e Debatik Currit, mbrojtësit të Tiranës, që është shprehur se Shqipëria ka të gjitha gjasat që ta gjejë veten në Euro 2016, por prova e radhës duhet të kalohet me suksese. Sipas Currit ndeshja me Armeninë me 29 mars është ndoshta ndeshja më e vështirë për KOmbëtaren, nisur nga gjendja aktuale dhe nga nevoja që skuadra ka për pikë. Më tej Curri u ndal edhe tek Gjykata e Arbitrazhit, duke theksuar edhe një herë se vendimi i drejtë do të ishte fitorja në tavolinë e Shqipërisë, e kjo mund të ndodhë duke parë se kjo gjykatë nuk ka asnjë lidhje me UEFA-n.
Igli Tare: Shqipëtarët duhet të kenë një Kombëtare, jo dy!
Drejtori Sportiv i Lacios, në një intervistë të dhënë në një televizion të Kosovës ka shprehur mendimin e tij në lidhje me Kombëtaren e futbollit të Kosovës, duke treguar në një farë mënyrë pakënaqësinë e tij që kombi shqiptar të jetë i ndarë në dy kombëtare futbolli, pasi sipas tij, është e vështirë të shohësh dy kombëtare nga i njëjti vend.
