Sipas të dhënave të një studimi të publikuar nga universiteti Iowa ku kanë qenë pjesë 1,307 njerëz për një periudhë kohore prej 40 vitesh është arritur në përfundim se ata që kishin 25% zemërim e kishin 1.57 herë më të lartë rrezikun për të vdekur më herët në krahasim me ato që nuk acaroheshin/zemëroheshin.
Nivelet e zemërimit fillimisht janë matur çdo vit midis 1968 deri 1972 nga pyetja e thjeshtë “A zemëroheni lehtë?”. Mosha mesatare e burrave në fillim të studimit ishte vetëm nën 30-vjeç, por efektet zemërimit u panë deri në 35 vjet më vonë.
“Kjo nuk është për njerëzit që zemërohen njëherë në pesë vjet”, thotë Amelia Karraker, autorja e studimit. Sipas saj zemërimi mund të rrisë presionin e gjakut dhe sëmundjet e zemrës, sidomos kur njerëzit ndjejnë se janë trajtuar në mënyrë të padrejtë.
