DETAJE/ 17-vjeçari në timon i mori jetën 64-vjeçarit. Largohet nga vendngjarja

131

Një aksident i rëndë, i ndodhur pasditen e sotme, do ti kushtonte jetën një 64-vjeçari në Lushnje, i cili ishte duke udhëtuar me biçikletë, ndërsa është përplasur nga automjeti i drejtuar nga një 17-vjeçar.

Sipas Policisë, në aksin rrugor “Tre urat-Çermë”, u aksidentua me pasojë vdekjen 64-vjeçari F.M, policia bëri të mundur identifikimin dhe kapjen e drejtuesit të mjetit i cili u largua nga vendngjarja.

“Sot rreth orës 14:10, në aksin rrugor “Tre urat-Çermë”, shtetasi J.G, 17 vjeç, duke drejtuar automjetin tip “Benz” ka aksidentuar me pasojë vdekjen shtetasin F.M, 64 vjeç, nga Zhamë Sektor, i cili ka qënë duke udhëtuar me biçikletë”, sqarojnë uniformat blu.

Pas aksidentit, shtetasi J.G u largua nga vendngjarja por më pas u bë shoqërimi i tij në Komisariatin e Policisë Lushnje dhe po kryhen veprimet proceduriale.