Itali/ Sherr me shkopinj bejsbolli dhe leva, bien në pranga 4 shqiptarë

129

Një sherr i rëndë ka ndodhur në qytezën e Rutigliano në Itali. Disa persona janë përfshirë në sherr me shkopa bejsbolli.

Mësohet se katër persona, dy vëllezër në njërin kah e dy në kahun tjetër janë përfshirë në një përleshje të përgjakshme. Ata kishin lënë të “sqarohen” në Via Montevergine, pranë Via Azezio, shkruajnë mediat italiane.

Shqiptarët janë përfshirë në një sherr gjatë natës, duke marrë lëndime si pasojë e goditjeve me shkopinj bejzbolli e me shufra të hekurit. Sherri nuk përfundoi pa u vërejtur nga autoritetet.

Një oficer lokal pa gjithë skenën dhe njoftoi menjëherë policinë. Pa ndonjë vështirësi të madhe, të katër personat që ishin përfshirë në sherr u arrestuan dhe u dërguan në kazermë. Ata janë në burg në pritje të gjykimit. Dy prej tyre kanë marrë lëndime në fytyrë.