Mediat serbe kanë publikuar foton e një terroristi të dytë që besohet se ka hedhur veten në erë gjatë sulmeve në Paris. Sipas gazetës Ahmed Almuhamed 25 vjeç ka hedhur veten në erë në sallën e koncerteve në Bataclan. Ai kishte mbërritur me një tjetër terrorist nga Siria duke ndjekur rrugën, Greqi, Maqedoni, Serbi.
Pasi u regjistrua në ishullin grek të Lesbos më 3 tetor ai më pas vijoi rrugën drejt Maqedonisë dhe më 7 tetor hyri në Serbi dhe u regjistrua në qendrën e pritjes në Preshevë. Pasi aplikoi për azil në Presheve ai vijoi sërish rrugëtimin për në Kroaci dhe më pas për në Austri.
Ndërkohë pritet që lajmi i mediave serbe të verifikohet nga autoritetet franceze.
