Kush do i fusë burgjet në burg?

Burgjet dhe institucione të tjera shtetërore që nuk paguanin energjinë elektrike. Ja lista

Burgjet janë institucionet që këto ditë u mbushën plot me qytetarë të cilët kanë përvetësuar në mënyrë të padrejtë, apo nuk kanë paguar energjinë elektrike. Por, ndërkohë, drejtuesit e burgjeve kishin harruar që edhe ata vetë nuk e kishin kryer, apo e kishin shmangur pagesën e enrgjisë elektrike. Duhej që këtë gjë tua kujtonin vizitorët e rinj. Dhe meqë burgjet janë institucione që rehabilitojnë banorët e tyre të përkohshëm, apo dhe të përjhershëm, për shkak të shkeljes së ligjit, po drejtuesit e tyre të papërgjegjëshëm, apo dhe të institucioneve të tjera të shtetit, që edhe këta si qytetrrët e thejshtë (të varfër apo hajdutë) nuk paguajnë enrgjinë, kush do t’i rehabilitojë? Pra, kush do i fusë burgjet (drejtuesit e burgjeve) në burg?! Ironia qëndron në faktin se burgjet, shkelësit e ligjit në këtë rast (mospagesa e enrgjisë dënohet me burg) duhet të rehabilitojnë qyterët që shkelin ligjin. Ironia qëndron edhe në faktin se një drejtor i OSHEE-së (në Lushnje), i cili vidhte enrgjinë, kontrollonte qytetarët dhe vendoste se kush prej tyre do të hynte në burg. Pra, mesa duket, qeveria po vepron me dy standarde në aksionin e energjisë elektrike. Çdo ditë, arrestohen dhe burgosen dhjetëra qytetarë pse nuk kanë paguar energjinë elektrike apo për lidhje të paligjshme, ndërsa institucioneve shtetërore, apo dhe drejtorëve të mëdhenj që nuk paguajnë/vjedhin energjinë vazhdojnë normalisht përditshmërinë e tyre. Qindra qytetarë në gjendje të rëndë ekonomike, që nuk kanë asnjë mundësi për të siguruar as bukën e gojës, arrestohen dhe mbahen në burgjet e tejmbushura, pse nuk kanë paguar energjinë. Por nuk ndodh kështu me burgjet (administratën e tyre), që edhe pse nuk e paguajnë energjinë, jo vetëm që nuk futen në burg si qytetarët e thjeshtë, por hapin dyert për të “edukuar kriminelët” që nuk paguajnë energjinë.

Burgjet që “u kujtuan” të paguajnë energjinë

Institucionet shtetërore janë mospaguesit më të mëdhenj të energjisë elektrike. Nga borxhi i akumuluar në vite nga mosarkëtimet në sistemin e shpërndarjes, në dhjetor 2013 shuma ishte mbi 1.1 miliardë dollarë. Dhe, gjysma e kësaj shume nuk është arkëtuar pikërisht nga institucionet zyrtare, të cilat nuk paguajnë energjinë elektrike. Por, mesa duket, kanë filluar të kryhen transaksionet e para nga ana e institucioneve shtetërore, përfshire dhe burgjet, në pagesën e energjisë elektrike. Nga tabelat me të dhëna nga shpenzimet publike në portalin “Open Spending Albania”, vihet re se 4 burgjet më të mëdha të vendit kanë filluar të paguajnë vetëm tani në nëntor fatura të energjisë elektrike të papaguara që në janar të këtij viti, duke derdhur në arkën e OSHEE-së rreth 47, 5 milionë lekë, si më poshtë:

Burgu 313 Tiranë ka paguar në 11 nëntor 5,955,740 lekë;

Burgu Lezhe ka paguar në 6 nëntor 16,489,232 lekë;

Burgu Lushnje ka paguar në 26 nëntor 5,625,370 lekë;

Burgu Peqin ka paguar 2 herësh, në maj dhe shtator 15,516,610 lekë gjithsej.

Gjithashtu vihet re se edhe institucione të tjera shtetërore kanë filluar të shlyejnë detyrimet e tyre ndaj operatorit të shpërndarjes së enrgjhisë duke shtuar në arkën e OSHEE-së (së bashku me burgjet) 265,384,242 lekë.

Ledjana Saliu