Studentët shqiptarë do të jetojnë e studiojnë për rreth 1 muaj në universitetet bavareze
Deniz Tufina
Me afrimin e sezonit veror dhe përfundimin e vitit shkollor 2019, për studentët shqiptarë, vjen një lajm i mirë nga Gjermania. Të gjithë personat që janë të interesuar të zhvillojnë programe studimi mund të bëhen pjesë e “BAYHOST”, i cili është një program i Gjermanisë që ofron Bursa për kurse verore të gjuhës gjermane. Landi i Bavarisë ofron bursa për studentë dhe shkencëtarë të rinj nga Evropa Lindore. Falë këtij programi studentët shqiptarë kanë mundësi të udhëtojnë e jetojnë për një periudhë të caktuar në shtetin gjerman, ku përveç perfeksionimit të gjuhës do të njihen me kulturën e jetesën vendase, duke përfituar aftësi të rëndësishme për të ardhmen e tyre. Ambasada e Gjermanisë në Tiranë ka njoftuar se studentët me njohuri të gjuhës gjermane, mund të aplikojnë nga vende si: Shqipëria, Bosnja, Kroacia, Kosova, Mal i Zi, Serbi, Maqedoni, Slloveni e Ukrainë. Bursa e studimit përfshin pagesën e kursit, strehimin, ushqim e para xhepi në një universitet në landin e Bavarisë. Në momentin e aplikimit studentët duhet të kenë mbaruar të paktën dy semestra të plotë studimi dhe të kenë mundësi ta dëshmojnë këtë me një listë notash. Universitetet bavareze ofrojnë kurse gjuhe të niveleve të ndryshme, nëpërmjet programit “BAYHOST”, megjithatë për aplikim nevojitet një nivel minimal B1 i gjuhës gjermane. Data e fundit e aplikimeve është 25 marsi 2019. Më shumë informacion rreth kurseve të gjuhës dhe procedurës së aplikimit mund të gjeni në këtë adresë: https://www.uni-regensburg.de
Kushtet e aplikimit për bursën verore të studimit në Gjermani
– Për të aplikuar është e nevojshme të keni shtetësi në një nga vendet e përfshira në program si: Shqipëri, Bosnjë, Kroaci, Kosovë, Mal i Zi, Serbi, Maqedoni, Slloveni e Ukrainë
– Gjatë periudhës së aplikimit duhet të jeni të regjistruar si student në një Institucion të Arsimit të Lartë në një nga 9 vendet e mësipërme
– Duhen paraqitur listë notash e të paktën dy semestrave në universitetin ku studioni
– Të jeni të aftë të provoni se zotëroni gjuhën gjermane në nivelin B1
– Duhet të jeni mbi 18 vjeç në momentin e aplikimit
– Personat që kanë qenë një herë pjesë e këtij programi nuk mund të aplikojnë për herë të dytë
Dokumentet e nevojshme për aplikim
- Formulari online i aplikimit i plotësuar (https://bayhost-stipendiensystem.uni-regensburg.de/sommerkursstipendium/en)
- Letër motivimi
- CV në gjermanisht ose anglisht me një foto të bashkangjitur
- Listë notash
- Vërtetim që je student në një universitet
- Fotokopje pasaporte ose karte identiteti
- Vërtetim i zotërimit të gjuhës gjermane në nivelin B1
- Opsionale: Vërtetim i intershipeve, kualifikimeve shtesë, punëve vullnetare
Boks
Universitetet që ofrojnë programet e gjuhës
Universitetet |
Datat 2019 |
Nivelet e
kursit |
Programet | |
Universiteti i Augsburg |
29.07.- 23.08. |
B2 – C2 | Kurs i orientuar drejt gjermanishtes
si gjuhë e huaj |
|
Universiteti i Bamberg |
02.08.- 29.08. |
B1 – C2 | Letërsi gjermane dhe muzikë | |
Universiteti i Bayreuth |
05.08.- 31.08. |
Të gjitha
nivelet |
Kurs gjuhe dhe komunikimi | |
Universiteti Katolik
Eichstätt-Ingolstadt |
21.07.- 14.08. |
Të gjitha
nivelet |
Shkolla verore Eichstätt | |
Universiteti
Ludwig Maximilian |
03.08.- 29.08. |
Të gjitha
nivelet |
Kursi veror i gjuhës gjermane | |
Universiteti i Passau |
13.08.- 10.09. |
A1 – C1 | Kursi veror gjerman Passau | |
University i Würzburg |
01.08.- 29.08. |
A1 – C1 | Kursi verori i gjuhës gjermane |