Dastid Pallaska tallet me Edi Ramën: Ministrat e Ramushit nuk bartin drogë me vetura

152
Avokati Dastid Pallaska ka reaguar pas deklaratave të kryeministrit të Shqipërisë. Edi Rama kritikoi sonte kryeministrin Ramush Haradinaj, duke e quajtur të shpikur kauzën e tij për demarkacionin.
Pallaska i ka përmend Ramës një problem, të cilin, sipas tij, nuk e ka Haradinaj.
“Ramush Haradinaj ka shumë probleme e mungesa por së paku nuk është Kryeministër i një vendi ku Ministria e Punëve të Brendshme e “siguron” eksportin e kanabisit në Evropë’, shkruan Pallaska në Facebook.
“Demarkacioni është një problem i shpikur nga politika e brendshme e Kosovës që nuk ka asnjë bazë reale dhe që është një padrejtësi ndaj njerëzve të këtij vendi”, tha për Klan Kosovën Rama, duke ngrit reagimin e vetë Haradinajt.
Shefi i qeverisë së Kosovës, në kundërpërgjigjen e tij, tha se Rama kishte shumë ‘shpikje’ në vendin ekzekutivin e të cilit drejton.
Seanca për ratifikim të demarkacionit mes Kosovës dhe Malit të Zi është thirr për të dielën në orën 18:00.