Ç’pati Selenica?…
Nga: KRISTO MËRTIRI
Ç’pati Selenica,
që më la pa gjumë?
Përcolla të premten,
T’prita ty e shtunë!
Jazo Dushkaraku,
na la hapur syrin,
Pikuan qerpikët,
libri pik’ floriri…
Pikoi pikë- pikë,
me një dritë hëne,
Llamp’e minatorit,
i fal dritë një kënge.
Këngë Labërie,
me çika stërralli,
Uron mikun tim,
Agim kordhëtarin!
Pen’ e tij nuk është,
si kordhë jatagani,
Kur shkruan për Vlorën,
Prush, i digjet xhani!
47 fshatra,
kurorë Labërie,
Kërthizë- Selenica,
burim krenarie…
Mos t’u thaftë boja,
pen’e Dushkarakut,
Libra dhembsurie,
stoli e çdo pragu!
Lamtumirë e premte,
mirëmëngjes e shtunë,
Zemra ime shkundet
zemër e pa gjumë!
Në Selenicë…
Nga: AGIM JAZAJ
U sosën vargjet,
dje në Selenicë,
Gatuar në magje,
qumësht’i vegjëlisë!
I gatuan Mërtiri,
me miell Mezhgorani,
I përpiu Arsimi,
u mpi dhe Bezhani!..
Vargjet – Labëria,
nga Pen’e Mërtirit,
Bëjnë zap të paudhin,
i bëjnë dritë të mirit!
Vargjet depërtuan ,
në thellësi të minierës,
Minatorët i hipën
mbi vagon të Serës…
Që andej u nisën
morën arratinë,
Shtruan rrugët e botës,
vet mbeti greminë!
Vargjet përmendore,
do vihen në këngë,
jo nuk janë çekanë,
janë bype e rëndë!
Dhe këtë varg,
për kryebashkiakun,
Na nderon penën,
bir’i Dushkarakut!
Mirëmëngjes e shtunë,
nga shesh’i Flamurit,
Bijtë e Mërtirit,
Vlorës i shtojë nurin!