Faleminderit për jetë dashuria ime,
natyrisht përgjithçka me shpirt më dhe!
Ky muzg tiranas më ve në mendime
dhe o Zot sa shumë kujtime më bje……
“L’immensita”
Këtë mëngjes roman
në “Gran caffè Balduina”,
me gruan, nga një
“negresco” kafe kemi marrë.
Qielli i kaltër, dielli shkëlqen,
në rrugë plot makina….
Një melodi ndihet:
“Gjeje cili është ky këngëtar? ”
“Io sono sicuro che per ogni gocha
…” jehon ëmbëlsisht zëri.
Grua kot e ke! Dëgjo me mua
nuk bëhet shaka.
Në gjumë të më pyesësh,
të them Don Backy i tëri,
në të famshmen këngë,
unikalen “L’immensita”.
Fanella Bardheblu
Është tejet e rëndë kjo fanellë,
pesha e saj matet veç me ar e rubin.
Ajo ka ngritur vetëm trofe.
Ndër vite të vështirë,
mundi e sikleti
ndaj vetëm ndrin.
Bardhebluja mbi shpatulla,
sepse mbi gjithçka ajo ishte fe
dhe besimi në të
shndrohej në goditje tërmeti!
Jargavani Romës
U befasova kur m’u shfaqe aq mrekullisht!
Aroma jote ma mbushi kraharorin plot.
Jargavan i Romës të adhuroj pafundësisht:
je dhe mbetesh lulja më e bukur në botë.
Magjishëm derdhesh përmbi kangjella,
si një valëz që ëmbël i rreh detit bregun.
Aureolë e një bukurosheje me kaçurela
më trazon në shpirt atë të largtin, pengun.
Byreku Ijes
Me sa mukajet m’i Ije
po i t’hudh petat o Zot!
Marhamani t’paska hije
akllajt i jep nolt e posht
N’moj gishtash petën në re
e mështjell përmi akllaj.
Kur t’piqet bereku o Ije,
mos harro i cop ma daj.
