Speciale nga Agron KAJA
PARTIZANI-DINAMO / HISTORI-BILANC-AKTUALITET
HISTORIA
Ndeshja e parë
Viti 1950
Partizani-Dinamo 2-2
Ndeshja e fundit
Datë 9 mars 2026
Dinamo-Partizani 0-2
BILANCI
Janë luajtur 182
Fitore Partizani 75
Barazime 55
Fitore Dinamo 52
Golat 244:197
Ndeshja e rradhës 183
Ndeshja e 183-të
Partizani-Dinamo City do të luhet ditën e dielë, datë 10 maj 2026 ora 16:00, në stadiumin “Arena e Demave”, Tiranë
SEZONI 2025-2026
Datë 29 tetor 2025
Dinamo C-Partizani 2-0
Datë 23 dhjetor 2025
Partizani-Dinamo C 1-3
Datë 9 Mars 2026
Dinamo C-Partizani 0-2
AKTUALITETI
Partizani vëndi i 5-të
12 F, 9 B, 14 H, G 36:47
Në total 45 pikë
Dinamo vëndi i 4-ët
12 F, 13 B, 10 H, G 42:31
Në total 49 pikë
KLEVIS DALIPI, PARTIZANI
Klubet shqiptare të ndryshojnë mëndësinë, jo formulën
Si e përshkruani situatën e Partizanit sot, një ndeshje para përfundimit të kampionatit?
Për mendimin tim, Partizani është duke menduar për sezonin tjetër, sepse me këtë “derbi” nuk kanë asnjë lloj synimi. Ashtu si funksionojnë skuadrat e mëdha, them se duhet ta kishte menduar mirë këtë situatë, me më shumë lojtarë nga akademia.
Në pritshmëritë tuaja teknike, ku e mendonit skuadrën e Partizanit në fundin e këtij sezoni?
Ashtu si nisi dhe ku është sot, me oshilacionet gjatë garës, Partizani është mirë në këtë pozicion në renditje, edhe pse si skuadër e elitës duhet të ishte në kreun e renditjes. E nisi dobët dhe vazhdoi mirë, por në fund u tregua pa bosht kryesor.
Në “Derbi”-in 183 të kryeqytetit Partizani është më superior në shifra, e shikoni favorit me Dinamon?
Nuk e shoh Partizanin favorit, sepse është një ndeshje ku të dyja skuadrat janë pa asnjë motiv. Të dyja skuadrat mund të luajnë me lojtarë të rinj dhe me ata që nuk kanë patur pritshëmritë e sezonit. Ky është momenti i tyre për të treguar vlerat.
Sa do të ndikojnë në këtë “derbi” rezultatet që këto dy skuadra shënuan në javën e kaluar (35)?
Jo, sepse është një ndeshje që nuk ka synime nga të dyja skuadrat. Është një ndeshje thjesht për t’u luajtur. Unë them se duhet të fokusohen te organika në vazhdim, do provohen lojtarë nga Akademia dhe të tjera me pak minuta.
Si ndeshja përmbyllëse e kampionatit, do kemi tifozeri më të madhe nga ndeshjet e tjera mes tyre?
Vështirë do jetë me tifozeritë, sepse vetë pozitat e tyre nuk e nxisin tifozerinë. Për mua, kjo skemë ku ka patur edhe raste dasharisie, por skuadrat kanë më shumë ekuilibër në raport me disa vite më parë që kishte disbalancë mes klubeve.
Si partizanas, cili është parashikimi juaj për këtë “Derbi” Partizani-Dinamo City?
Unë mendoj që Dinamo, edhe pse është në kushte komode, duhet ta vlerësojë shumë këtë “Derbi”, mos ta prishë strukturën e ekipit. Ndërsa Partizani ka tjetër objektiv, sepse këtu ai duhet të nisë përgatitjet për sezonin e ardhshëm.
Luhet ndeshja e fundit e kampionatit, si e parashikoni renditjen e skuadrave në tabelë?
Mendoj se ndryshime mund të ketë vetëm tek vëndet e fundit të renditjes, sepse vetëm këtu vlejnë 90 minutat e fundit. Nëse nuk do ketë dashamirësi, për të mos thënë ndonjë fjalë tjetër, do ketë edhe ndonjë surprizë jashtë pritshmërive.
Për çfarë do të luhet në javën e 36-të?
Një javë para mbylljes së kampionatit të Superiores 2025-2026, Dinamo dhe Flamurtari mësuan verdiktin përfundimtar. Vlonjatët zbresin nga kategoria, dinamovitët sigurojnë “Final 4”. Për mbijetesë mbeten Teuta dhe Vora, ndërsa Bylisi me Tiranën mendojnë barazimin. Vetëm Partizani luan për asgjë këtë javë.
ARTUR ÇOBANI, DINAMO
“Derbi” vlen vetëm për statistikë, Dinamo e fiton
Si e përshkruani situatën e Dinamos sot, një ndeshje para përfundimit të kampionatit?
Mendoj se Dinamo ka lëshuar shumë pikë. Jo me dashje, por me pak kujdes mund të ishte edhe 10 pikë më tepër, një skuadër që do luftonte për titullin. Ka arritur objektivin minimal që të luajë në Europë, por duhet të fitojë Kupën e Shqipërisë.
Në pritshmëriat tuaja teknike, ku e mendonit skuadrën e Dinamos në fundin e “Final 4”?
E përmënda më sipër, Dinamon e mendoja se do ishte në një situatë të barabartë me Elbasanin e Vllazninë. Ka shumë arsye për këto pritshmëri, por në rrugëtimin e saj Dinamo kishte disa oshilacione që ia ndryshuan synimet e kampionatit.
Në “Derbi”-in 183 të kryeqytetit, Partizani është më superior në shifra, realisht e shikoni Dinamon favorite?
Dinamo duhet që ta fitojë këtë “derbi”, sepse tre pikët e ngrejnë shumë në llogatitjet që bëhen në ndeshjet “Final 4”. Në shifra, është sikundër edhe ato janë dhe që i përkasin kohëve të shkuara, por në aktualitet të dyja janë ndryshe.
Sa do të ndikojnë në këtë “derbi” rezultatet që këto dy skuadra shënuan në javën e kaluar (35)?
Dinamo e ka motivin më të lartë se Partizani në “Derbi”-in e të dielës, sepse kërkon “Final 4” dhe është para finales së Kupës së Shqipërisë. Partizani është në një moment të vështirë, një dështim që mund të sjellë edhe pasoja për skuadrën.
Si ndeshja përmbyllëse e kampionatit, do kemi tifozeri më të madhe nga ndeshjet e tjera mes tyre?
Ngjarjet e fundit nuk kanë lënë shije të mirë në opinionin sportiv, që ata të shkojnë në stadiume. Jam i bindur se nuk do ketë spektatorë të shumtë në këtë “Derbi”. Tifozët e Partizanit janë të shumtë, por këtë herë kanë të drejtë të braktisin sfidën.
Si dinamovit, cili është parashikimi juaj për këtë “Derbi” Partizani-Dinamo City?
Nuk do jetë një “Derbi” në një ambient të zjarrtë dhe me shumë tifozë. Dinamo është më e avantazhuar për objektivat që ka, ndërsa për Partizanin nuk ka më objektiva në këto 90 minuta të fundit. Do kemi një ndeshje me Dinamon fituese.
Luhet ndeshja e fundit e kampionatit, si e parashikoni renditjen e skuadrave në tabelë?
Pavarsisht rezultateve të ndeshjeve ku Vllaznia e ka më të lehtë me Flamurtarin, Elbasani-Tirana është ndeshja më delikate. Tek Vora-Bylis shoh fitore të Vorës, ndërsa Teuta-Egnatia mbetet interesante, por durrsakët do ta kalojnë pozitivisht.
Partizani çudit me vendimin, mbyll disa tribuna
Për ndeshjen “derbi” me Dinamon, Partizani ka vendosur të mbyllë tribunat A, B dhe VIP. Ky vendim është zyrtarizuar nga klubi, i cili dje nxorri në shitje biletat për sektorët e tjerë. Çmimet varijojnë nga 300 deri në 500 lekë të reja. Kjo situatë vjen se, Partizani nuk ka asnjë motiv në këtë “derbi”. Por edhe nga “armiqësia” me tifozerinë dinamovite!
ABISSNET SUPERIORE
SEZONI 2025-2026
Ndeshjet-Java 36-E fundit
E dielë, 10 maj 2026
AF Elbasani-Tirana 16:00
Partizani-Dinamo C 16:00
Teuta-Egnatia 16:00
Vllaznia-Flamurtari 16:00
Vora-Bylis 16:00
RENDITJA
Skuadrat Nd P
1.AF Elbasani 35 62
2.Vllaznia 35 60
3.Egnatia 35 57
4.Dinamo City 35 49
———————————–
5.Partizani 35 45
6.Bylis 35 41
7.Tirana 35 41
———————————–
8.Vora 35 39
———————————–
9.Teuta 35 39
10.Flamurtari 35 36
Intrigat e “Final 4”, kush përfiton nga skema
Në zonën “Final 4” ka disa të “fshehta”. Nëse Elbasani e humbet ndaj Tiranës dhe Vllaznia me Flamurtarin, me përgjysmimin e pikëve, ato do të kenë nga 31 pikë. Elbasani përfitonin nga ndeshjet direkte, për të qenë mbi Vllazninë. Sepse axhenda e “Final 4” ndërtohet sipas renditjes së kampionatit të rregullt.
Bastet të “frikësuar”, e “bojkotojnë” Superioren
Thuajse të gjitha kompanitë e basteve në Europë i kanë hequr nga skedinat e tyre ndeshjet e javës së 36-të. Frikë nga trukimet, ky mund të jetë motivi i këtij “bojkoti”. Vetëm Partizani me Flamurtarin luajnë pa motiv, skuadrat e tjera janë në ethet e 90 minutave të fundit. Ndaj dhe Bastet i frikësohen tolerimeve.
