“Marash Kumbulla me 100% do të jetë pjesë e Romës në edicionin e ardhshëm”. Këto janë fjalët e Zhoze Murinjos një ditë para finales të Ligës së Konferencës në Tiranë. Një premtim që ndoshta nuk do të mbahet nga tekniku portugez, pasi në Itali e shohin mbrojtësin shqiptar drejt largimit nga verdhekuqtë.
Sipas mediave italiane, për lojtarin interesohen klubet e Torinos, Bolonjës, Sampdorias dhe Fiorentinës, të cilat janë të gatshme të hidhen në garë për futbollistin që e shohin si një element shumë të rëndësishëm për të përforcuar radhët e tyre.
