Donny Van de Beek po kalon një nga momentet më të errëta të karrierës së tij që kur u transferua te Manchester United, pasi trajneri Solskjaer nuk i beson dhe në ato pak shanse që ka pasur për të luajtur, nuk ka arritur të përshtatet si duhet.
Gjatë verës holandezi provoi të largohej, por mori garanci nga trajneri i ‘djajve të kuq” se do të mund të luajë shanset e tij, megjithatë situata nuk ka ndryshuar dhe tashmë Van de Beek po përgatitet të largohet që në merkaton e janarit.
Për të bërë të mundur një marrëveshje transferimi, fantazisti holandez ka ndërruar edhe menaxher, pasi është shkëputur nga agjenti Guido Albers dhe ka vendosur të bashkëpunojë me Ali Dursun, i njëjti që kujdeset edhe për shokun e tij te Holanda, Frenkie De Jong.
