Ledian Memushaj u shpreh mjaft i zhgënjyer pas barazimit kundër Andorrës, duke u shprehur se nuk kishte nënvlerësim nga kuqezinjtë por ishte vetëm një ndeshje e keqe e bërë nga kuqezinjtë dhe u pësuan dy gola që nuk duheshin pësuar.
Ai u shpreh se Shqipëria duhej të luante më shpejt për të kërkuar fitoren dhe se ishte një ndeshje e dobët.
“Nuk kemi bërë ndeshje të mirë pasi kemi pësuar dy gola që nuk duheshin pësuar. Nuk kishim fat. Nuk e kemi nënvlerësuar ndeshjen pasi e dinim që ishte e vështirë. Duhet të luanim më shpejt në fushë”, tha Memushaj.
