Mbappe flet për herë të parë pas rinovimit me PSG: Faleminderit Real Madrid, nuk ishte koha që të largohesha prej këtu

41
Sigal

Paris Saint-Germain organizoi një konferencë për shtyp të hënën pasdite për Kylian Mbappe dhe Nasser Al-Khelaifi për të folur për mediat, pas zgjatjes së kontratës së sulmuesit francez deri në vitin 2025.

Lojtari përsëriti disa herë se ai nuk donte të bashkohej me Real Madridin sepse ai nuk e ndjeu se ishte momenti i duhur i jetës së tij për t’u larguar nga Franca.

“Nuk e mendoja se ishte momenti i duhur që unë të largohesha nga vendi ku jam rritur dhe prej nga jam”, tha ai.

“Unë e vlerësoj të gjithë përpjekjen që Real Madridi bëri, duke bërë gjithçka që mundi për të më bërë të lumtur. Unë jam mirënjohës për dashurinë e tyre dhe e kuptoj zhgënjimin e tyre. Siç thashë, unë jam francez dhe, si francez, doja të qëndroja këtu. Jam i kënaqur me vendimin tim. Mund të ndodhë në të ardhmen e afërt. Nuk e di se çfarë do të ndodhë pas tre vjetësh.”

Mbappe pohoi gjithashtu se PSG e ka bindur me projektin e tyre sportiv, jo me para.

“Sinqerisht, ne folëm vetëm për pagat dhe të drejtat e imazhit për një kohë të shkurtër”, tha Mbappe.

“Të luash me lojtarët më të mirë është ajo që dua. Ishte një turp pasi kishim një vit të vështirë pasi ishte viti i parë i Lionel Messit dhe Neymar ishte i dëmtuar, kështu që ne nuk mund të luanim shumë bashkë të tre”.