Partizani do të përballet me Tiranën ditën e shtunë, në derbin e kryeqytetit, ku të dyja skuadrat do të kërkojnë me ngulm fitoren.
Megjithatë, ndonëse duhen edhe 4 ditë për derbin, ngacmimet në distancë në rrjetet sociale, kanë nisur që tani mes dy klubeve. Ka qenë klubi i Partizanit, që së fundmi ka postuar një video, për derbin, të cilën e nis me një fragment nga filmi i njohur shqiptar “Shoku ynë Tili”.
Partizani ka postuar fjalët e aktorit kryesor, ku në film thotë: “Po ç’e do, kot që vajtëm, hëngrëm dru nga Partizani si herët”.
Një provokim i drejtpërdrejtë ky nga klubi i kuq, që pas fragmentit të filmit, vazhdon pjesën tjetër të videos me momente nga derbit e fituar prej tyre.
