SUPERIORE/ Specialisti i futbollit Agim Canaj, analizon për “Telegraf” tetë javët e luajtura
Agron Kaja
“Them se është duke u luajtur një kampionat pa ekipe dominante, ku më të fortat munden nga më të dobëtat, ashtu sikurse ekipet, që mendoheshin të dobëta, po u krijojnë vështirësi edhe skuadrave pretendente.”
Skuadrat e Abissnet Superiore dhe të Kategorisë së Parë kanë vazhduar me përgatitjet e tyre. Të përqëndruar kryesisht te rekuperimi i mangësive të vrejtura në ndeshjet e luajtura, trajnerët në këto dy javë i kanë përveshur mëngët që të sfidojnë kohën për ta patur ekipin gati për ndeshjen e radhës. Po si i përshkruan specialisti i futbollit Agim Canaj, tetë javët e luajtura në Superiore? Për gazetën “Telegraf”, ai deklaron se po luhet një kampionat pa skuadra dominante. “Them se është duke u luajtur një kampionat pa ekipe dominante, ku më të fortat munden nga më të dobëtat, ashtu sikurse ekipet që mendohen të dobëta, po u krijojnë vështirësi skuadrave pretendente. Në momentet kur mendon se një skuadër triumfon, goditet në ndeshjen e radhës e kështu kampionati nuk ka stabilitet dhe nuk ka drejtim dominant”, kështu u shpreh fillimisht Agim Canaj, i cili hapësirën dyjavore pa ndeshje zyrtare e vlerëson në favorin e trajnerëve dhe të rikuperimeve. “Gjithmonë hapësirat ndokojnë për mirë, kryesisht te skuadrat që janë formuar më vonë në nisjen e sezonit. Nga ana tjetër, kjo u vlen skuadrave për të rikuperuar të dëmtuarit, apo për të ardhurit me vonësë dhe nuk janë përshtatur plotësisht me ekipin”. Për Canajn, lëvizja e trajnerëve do ketë ndikim negativ te skuadrat, kryesisht në përshtatjen e ideve të tyre në fushën e lojës. “Deri në javën e 8-të janë ndërruar 7 trajnerë, dhe kjo ka sjellë këtë ndikim negativ te skuadrat, kryesisht në përshtatjen e ideve të tyre në fushën e lojës. Me këtë pushim, ata kanë marrë kohë për tu përshtatur. Kjo javë e 9-të do paraprijë nga “Derbi” i kryeqytetit Partizani-Tirana, i 171-ti mes tyre. “Gjithmonë ndeshjet “derbi” janë të forta, dhe dy ekipet i ka gjetur më pak të organizuara në stafet drejtuese. Do ketë problematika në organizimin e skuadrave në fushë, por lojtarët kanë kualitete dhe do japin më të mirën. Uroj që të fitojë ajo që do ta meritojë në fushën e lojës”. Me këtë javë të 9-të mbyllet faza e parë dhe Canaj nuk mendon ndryshime të dukshme në renditje. “Në javën e 9-të luhet sfida Tirana-Egnatia dhe pas “derbit” me Partizanin, bardheblutë kanë një tjetër sfidë të vështirë. Sepse Egnatia ka kënaqur me lojën e saj, po tregohet e organizuar dhe me përbërje cilësore. E mendoj në krye të renditjes për fazën e parë, por edhe pretendente deri në fundin e kampionatit”, ishte kjo analiza e tetë javëve të para të Abissnet Superiore 2023-2024.
ABISSNET SUPERIORE
NDESHJET, JAVA 9
Të shtunën, 21 tetor 2023
Skënderbeu-Vllaznia 17:00
Të dielën, 22 tetor 2023
Kukësi-Laçi 14:00
Dinamo-Teuta 17:00
Të hënën, 23 tetor 2023
Tirana-Egnatia 14:00
Erzeni-Partizani 17:00
RENDITJA
Skuadrat Nd Pikë
1.Egnatia 8 16
2.Laçi 8 13
3.Tirana 7 13
4.Skënderbeu 8 12
5.Partizani 6 11
6.Erzeni 8 11
7.Vllaznia 8 9
8.Teuta 7 8
9.Dinamo City 8 7
10.Kukësi 8 7
E prapambetur nga Java 6
Të enjten, 19 tetor 2023
Partizani-Tirana 19:00
KATEGORIA E PARË
NDESHJET, JAVA 8
Të shtunën, 21 tetor 2023
Flamurtari-AF Elbasani 14:00
Të dielën, 22 tetor 2023
Tomori-Besa 14:00
Korabi-Burreli 14:00
Luzi2008-Apolonia 14:00
Kastrioti-Vora 14:00
Bylis-Lushnja 14:00
RENDITJA
Skuadrat Nd Pikë
1.Bylis 7 19
2.AF Elbasani 7 16
3.Apolonia 7 14
4.Vora 7 12
5.Flamurtari 7 12
6.Tomori 7 9
7.Kastrioti 7 9
8.Korabi 7 8
9.Lushnja 7 7
10.Burreli 7 4
11.Besa 7 4
12.Luzi 2008 7 2
Kategoria e Parë
Pas Kupës, kryendeshja Flamurtari-AF Elbasani
Kjo javë është e ngjeshur për të gjitha skuadrat në Kategorinë e Parë, pasi në mesjavë do të luhen ndeshjet e Kupës së Shqipërisë dhe në fundjavë luhet java e 8-të e kampionatit. Te Flamurtari, trajneri Emiljano Çela ka menduar që në përballjen e kupës të luajë me lojtarët e stolit, ndërkohë që titullarët do t’i lërë pushim, për të mos i konsumuar para sfidës me AF Elbasani. Po në të njëjtën rrugë duket se është duke u përgatitur edhe skuadra e AF Elbasanit, ku trajnerit Nevil Dede i duhet të mendojë së pari për transfertën e Kupës së Shqipërisë në Lezhë, por edhe për kryendeshjen në Vlorë me Flamurtarin, në Kampionat.
