Pas fitimeve prej miliona eurosh, kompanisë ‘SGS Albania’ do i shtyhet koncesioni i kolaudimit edhe me 10 vite të tjera
Të dhënat nga bilanci zyrtar, tregojnë se për 2018-n, SGS Automotive Albania realizoi 1.6 milionë euro fitime neto, nga rreth 1.3 milionë që ishte shifra për vitin 2017. Kolaudimi i automjeteve u dha me koncesion në vitin 2009 tek kompania zviceriane SGS për një afat 10 vjeçar. Fitimi i kompanisë që ka me koncesion kolaudimin e automjeteve u rrit me 20 për qind vitin e kaluar, teksa biznesi i mbrojtur me ligj ekskluziv vazhdon të zgjerohet vit pas viti, shkruan “TCH”. Sipas kontratës, ky duhet të ishte viti i fundit i këtij koncesioni dhe shërbimi i kontrollit teknik të automjeteve duhej t’i rikthehej shtetit, së bashku me të gjitha asetet dhe investimet e kryera nga privati. Por edhe pse duhet të kishte nisur procedurat për marrjen e shërbimit në shtet që disa muaj më parë, deri tani Ministria e infrastrukturës nuk ka hedhur asnjë hap. Jo zyrtarisht, po përflitet se afati i koncesionit mund të zgjatet edhe për disa vite të tjera, duke ndryshuar pronar, nga kompania SGS tek një bashkim biznesmenësh të fuqishëm shqiptarë.
Koncesioni i kolaudimit të automjeteve ka qenë gjithmonë i lakmuar nga grupet vendase të biznesit, për shkak të fitimeve të majme, që garanton monopoli ekskluziv i këtij shërbimi. Autoriteti i konkurrencës i ka kërkuar disa here zyrtarisht qeverisë që ta liberalizojë kontrollin teknik të automjeteve, për shkak se monopoli ka përkeqësuar shërbimin duke lënë qytetarët në radha të gjata pritje. Madje ky ishte dhe një nga zotimet kryesore të vetë qeverisë në vitin 2013, por deri tani monopoli vazhdon të ruhet dhe me gjasa do të zgjatet mbi afatin 10 vjeçar që parashikonte kontrata.
Jo zyrtarisht, po përflitet se afati i koncesionit mund të zgjatet edhe për disa vite të tjera, duke ndryshuar pronar, nga kompania SGS tek një bashkim biznesmenësh të fuqishëm shqiptarë.
Koncesioni i kolaudimit të automjeteve ka qenë gjithmonë i lakmuar nga grupet vendase të biznesit, për shkak të fitimeve të majme, që garanton monopoli ekskluziv i këtij shërbimi
