Evdal Nuri: Ne jemi në një stad ku të gjithë janë kundër të gjithëve

155

 

Evdal Nuri: Ne jemi në një stad ku të gjithë janë kundër të gjithëve Ne jemi në një  stad ku të gjithë janë  kundër të gjithëve

Vlerësime, por  dhe  kritika

Kohë më parë botova në këtë gazetë një shkrim me titull: “Si jemi mos qofshim!”                                                                                    Në të analizoja gjendjen e dëshpëruar të  njerëzve. Kur i pyet,  fillojnë të qajnë halle nga më të ndryshme, familjare, ekonomike, shpirtërore, shëndetësore, sociale, politike, prindërore… ! Shumë ish nxënës, e  të njohur, kur dëgjojnë që kam shkruar ndonjë shkrim, gëzohen që jam mirë, blejnë gazetën e në format nga më të ndryshme komunikojmë.  Shumica i vlerësojnë, por ka  dhe nga ata që bëjnë  vërejtje. Tani janë rritur dhe kanë pavarësinë e tyre. Unë me dashamirësi i pranoj. Kjo që bëj është  dëshira ime në përputhje me bindjet e formimin tim. Vërtet për një shkrim  harxhoj kohë,  pa asnjë lloj interesi, por në një farë mënyre,  kam  kënaqësi se kryej një punë  në dobi të shoqërisë.

Në dialektikë vepron një  parim: “Nga e afërta tek e largëta, nga konkretja tek absraktja, nga e njohura,  tek e panjohura.”                                                                                                                                1-  I  ke  vënë  “garamet“  kokës,   o  burrë…!?

Kështu më thotë gruaja sa herë që më kritikojnë për shkrimet që botoj!                                                                                                         Punove  dekada  dhe e mbylle  me nder.  Tani  përsëri  s’rri rehat!  Rri  i qetë këto vite,  boll ke punuar . Këto  m’i thotë sa herë që botoj ndonjë shkrim e dëgjoj ndonjë fjalë, për të cilin edhe shqetësohem!  Në fakt ka të drejtë, se jo të gjithë kënaqen.  Ka nga ata që  mbajnë  dhe “mëri” ,  duke më këshilluar  në përputhje me bindjet e tyre politike! Të majtët  thonë: “Hidhi pak sheqer,  e ke nxirë!”   Të djathtët, “hidhi  kripë!”  S’i gjendet karari!  S’di dhe unë nga t’ia mbaj!                                                            Që do të vijë një ditë që s’do shkruaj e kam të qartë,  por ja që  mundohem të shfryrëzoj  kohën  e cila peshon  rëndë kur është bosh!                                                                                                                                          Ka shkrime që botohen, por disa edhe  s’janë botuar.  Shumë më  marrin në telefon e më përshëndesin  për shkrimet . Fjala vjen nga Berati, Ë. Qafa,  S Mborja,  Sh.Kalluçi, P.Mile.  Në Tiranë, Q. Zaimi, H.Kordha,  A. Nurellari, D. Kojo, A. Velçani,  Q. Koçi. Në Shkodër, B. Ibërshimi, e shumë të tjerë.                                                                                                                   

2- Një mjek komenton

Sapo mbarova së lexuari  artikullin  tënd për Covid-19 dhe duhanit. Bëre mirë që e shkrove, por njerëzit janë dhe do të jenë të terrorizuar për shumë kohë !

Nga ana mjekësore duhet të mësohemi se infektimi me Covid-19 , është një virozë (ne i themi grip), si të gjitha virozat. Bëjmë mirë të mësohemi me atë që virusi  Covid-19,  nuk do të zhduket  e  do t’a kemi përgjithmonë. Duhet ditur se vetë,  nuk shkakton vdekje. Vdesin moshat e treta, që kanë sëmundje kronike  të mushkrive, zemrës, diabetit dhe ndonjë sëmundje tjetër. Çfarë duhet bërë?  Duhet izolim total. Mirëpo  izolimi total, paralizon ekonominë, shkakton falimentime të ndërmarjeve të ndryshme, s’i ndodhi  tek ne, por krijon dhe ankthe e depresione,  shpesh të pariparueshme!  Për mendimin tim, në vendin tonë numri  i të prekurve me  Covid  është  shumë  herë më i madh,  sesa numri i raportuar nga qeveria.  Kjo varet sa testime  bëhen?  Njerëzit  të vazhdojnë punën, të mbajnë maska dhe të ruajnë distancë  1,5 m nga njeri -tjetri. Ata, duhet të çlirohen nga psikoza e vdekjes. Ti me shumë të drejtë, analizon dhe duhanin, që vret të paktën 100 -herë më  shumë se Covid-19.  Por qeveria nuk thotë asnjë fjalë për duhanin,  e nuk merr asnjë masë serioze për kufizimin e këtij vesi vrastar. Fitimet nga tregëtia e duhanit  janë  përrallore.  Këtu tek ne çdo gjë tërhiqet zvarrë,  njerëzit jetojnë vetem “të sotmen”, sepse te ne nuk ka “të nesërme”;  të rrojë kush të rrojë, xhungël hesapi. Të gjtha gjasat janë që çdo gjë do të nxihet progresivisht, si zogjtë e korbit, që sa më shumë  rriten, aq më shumë nxihen.  Ne jemi në një  stad, ku të gjithë janë  kundër  të gjithëve! Çdo gjë shkon tatëpjetë. Të  gjtha anët e horizontit  të jetës janë të mbyllura.  Zoti na shpëtoftë!                                                                                                                                    3 Si është gjendja  e  Covid -19  tek ne?                                                                                                                                                                                                              A) Shqipëria ka dështuar në monitorimin dhe dedektimin, (gjurmimin) e rasteve me Covid-19. Këtë e thotë raporti ndërkombëtar “Covid”. -Për këtë kategori ne renditemi në vendin e 98, nga 100 vende të analizuara në këtë raport.                    B) Shqipëria, sipas eficencës së karantinës, renditet në vendin e 69, që do të thotë se edhe karantina nuk arriti të kishte sukses të plotë, ndaj Covid-19.              C) Nga eficenca e menaxhimit të situatës nga qeveria sipas renditjes, kemi dështuar duke u renditur në vendin e 95,  nga 100 vende të shqyrtuara. Edhe përgatitja e urgjencës na ka lënë zbuluar, duke u renditur për këtë kategori në vend të 85, kurse sipas rezistencës rajonale, renditemi  në vendin 75. Për gadishmërinë e kujdesit shëndetësor renditemi në vendin e  57-të.                          D) Në total, sipas analizës së 6 kategorive, 30 indikatorëve dhe 130 parametrave, Shqipëria është renditur për menaxhimin e situatës  Covid-19, në vendin e 88-të.  

Tek ne u  zbatua një politikë, që nxiti protesta. Në datë 17 Maj,  kishim pak raste, kurse Tirana, asnjë. Disa protesta nga 17 deri në 19 Maj,  bënë që numri,  ditëve të fundit të shkojë  nga 63, 82, 50, 66 , 50  53…… Tani protesta e maturanteve, e transportit,  do të këtë pasoja negative në ditët në vijim!                                                                                                                               Më e arsyeshme do të ishte të ndiqej një politikë më e moderuar, tolerante, e paqësore, e jo konfliktuale! Kjo do të sillte një minimum të infektuarish nga  Covid -19.                                                                      

4-Një  studiues, por dhe ekonomist, vlërëson shkrimet , por  ngre dhe probleme.                                                                                                                                                                     

“Të përgëzoj që shkruan dhe trajton këtë plagë social-shoqërore. Po të kujtoj pak histori  lidhur me fenomenin “nuk kam miell në magje” dhe fytyra e uritur e fëmijës që kërkonte veç bukë.                                                                                                                            Ky fenomen na ka shoqëruar mot e mot dhe pas vitit 1990 po na kërcënon në shuarje. Një popull i varfër, pa arsim apo gjysmak, sundohet më lehtë dhe pranon ryshfetin në shërbim të padronit për të  thënë  dokrra. Merret me përgojime, thashetheme, deri në veprime kriminale, pakuptuar,  duke i sjellë  pasoja  familjes e shoqërisë shqiptare.                                                                                                                                                 Varfëria nuk është fenomen i shpikur,  por rezultat i qëndrimit të shtresave shoqërore karshi punës. Politikanët  dhe ata që u bashkuan me ta, shkatëruan ekonominë shqiptare, krijuan papunësi në industri, bujqësi,  nxitën fshatarët të largohen nga krahinat e tyre dhe rrjedhimisht u gjendën të varfëruar në qytetet ku  kanë shkuar.                                                                                                                                                                                                                                                                                                                  Ju i trajtoni në artikullin tuaj : Ne jemi të varfër.  Ne duam  bukë, mirëqenie  dhe punë.    Ky ëshë problemi.  Si i bëhet këtij halli?

Mendoj se  e vetmja shpresë është “Reforma në Drejtësi”. Kjo e tmerron atë shtresë shoqërore dhe atë pjesë të klasës politike që ka përvetësuar pasurinë kombëtare dhe ka “mbjellë varfërinë”. Reformën në drejtësi e ka kërkuar ky popull në këto 30 vite.                  Le ta mbështesim fuqishëm bashkërisht që mirëqenia të  shtohet nga puna dhe nga zvogëlimi i hajdutërisë.
 Tek ne  po ndodh si në këtë fabul:                                                                               Fshatari bleu lopën dhe u informua për llojin e ushqimit dhe sasinë që konsumonte lopa.                                                                                                          Ditën e parë e ushqeu lopën dhe ajo e mbushi plot kovën me qumësht.                    Ditën e dytë ia përgjysmoi ushqimin lopës dhe  ajo i dha më pak qumësht.                      

Ditën e tretë mendoi: Po t’ja heq ushqimin lopës do fitoj më shumë ! Ashtu veproi. Por,kur shkoi ta milte, lopa kishte  ngordhur…!                                                                          

Mos po ndodh edhe me ne kështu, duke na e paksuar vazhdimisht  mundësinë për  t’u  ushqyer …Do Zoti jo…!