Një hacker që publikoi fotot nudo të Jennifer Lawrence është dënuar me 8 muaj burg.
George Garofano ishte një nga katër burrat e arrestuar në skandalin e vitit 2014 “celebgate”, ku u përfshirë edhe yje të tjerë si Kirsten Dunst, Kate Upton dhe Kim Kardashian.
Garofano, nga Connecticut, SHBA, u deklarua fajtor më parë këtë vit.
Ata arritën që të hakonin më shumë se 250 iCloud të yjeve të Hollyëood dhe personave të tjerë jo të famshëm.
Garofano pranoi se i dërgoi email ‘viktimave’ të tij, që dukej si një mesazh nga një kontroll sigurie i Apple, duke u kërkuar atyre që ti dërgonin fjalëkalimin dhe passëordin, ose të futeshin në një faqe interneti të palës së tretë.
Pastaj përdorte informaconin për të hyrë në llogaritë e iCloud të ‘viktimave’ dhe mori informacione personale, duke përfshirë fotot dhe videot private.
Në disa raste, ai përhapi fjalëkalimet e përdoruesve ose informacione të tjera personale me njerëz të tjerë.
Çështja filloi kur FBI hetoi fotot e njerëzve të famshëm të publikuar në internet në shtator të vitit 2014.
Garofano do të mbikëqyert për 3 vite pas lirimit të tij nga burgu dhe gjithashtu do të bëjë 60 orë shërbim komuniteti.
“Nuk është skandal. Kjo është një krim seksual,”-tha Lawrence për Vanity Fair në nëntor të vitit 2014. “Kjo është dhunë seksuale. Eshte e shpifur.”
Ryan Collins, 36 vjeç, i cili mori pjesë në komplot u dënua me 18 muaj burgim në 2016, ndërsa Edward Majerczyk, 29 vjeç, i akuzuar për orkestrimin e skemës u dënua me 9 muaj burg në vitin 2017. Ndërsa personi i katërt i përfshirë Emilio Herrera , 32 vjeç, u deklarua fajtor dhe është planifikuar të dënohet muajin e ardhshëm.