Funksioni i poreve të lëkurës është që të mundësojë ajrosjen e vazhdueshme të saj.
Poret janë zakonisht të padukshme me sy të lirë, por me kalimin e moshës ato zmadhohen dhe zgjerohen.
Pamja e tyre mund të jetë e padëshirueshme ama trajtohet shumë lehtë jo vetëm me produkte kozmetike e farmaceutike por edhe me kura natyrale.
Në këtë artikull do të mësoni për disa trajtime krejt natyrale që do ju ndihmojnë të mbyllni poret e hapura të lëkurës.
Xheli i aloe veras
Ekspertët rekomandojnë aplikimin e xhelit të aloe verës në lëkurë kundër poreve.
Xhelin mund ta vendosni në fytyrë në mbrëmje dhe më pas ta shpëlani me ujë të vakët në mëngjes.
Fytyra juaj do të jetë e hidratuar dhe pa pore apo papastërti.
Uthulla e mollës
Ekspertët këshillojnë përzierjen e një luge gjelle me uthull molle me 5 lugë gjelle ujë.
Hidheni tretësirën në një shishe spërkatëse dhe përdoreni si tonik.
Ky tonik do të zvogëlojë poret dhe do të rregullojë pehashin e lëkurës.
Maska me të bardhën e vezës
Për këtë maskë ju nevojitet e bardha e një veze, dy lugë gjelle me tërshërë dhe dy lugë gjelle me lëng limoni.
Pasi t’i keni përzier mirë, aplikojeni maskën në fytyrë dhe mbajeni për gjysëm ore.
Më pas shpëlajeni me ujë të ftohtë deri sa maska të eliminohet tërësisht.
Maskën me të bardhën e vezës mund ta përsërisni çdo ditë për rezultatet më të mira.
Soda e bukës
Përzieni sasi të barabarta të ujit dhe sodës së bukës dhe më pas maskën vendoseni në fytyrë.
Masazhojeni për një minutë dhe më pas shpëlajeni me ujë.
Ky trajtim funksionon edhe kundër akneve dhe puçrave.
Ky proces duhet përsëritur çdo 3-4 ditë dhe jo më shpesh sepse përdorimi i tepruar i sodës së bukës mund të ketë pasoja negative në shëndetin e lëkurës.
