Hulumtimet kanë treguar: Beqaria ndikon keq në shëndetin e meshkujve

103
Sigal

Një studim i ri i publikuar në fillim të kësaj jave tregon se beqaria ka një efekt veçanërisht negativ te meshkujt.

Studimi ekzaminoi mostrat e gjakut nga 4,835 pjesëmarrës nga Copenhagen Aging and Midlife Biobank për të ekzaminuar nivelin e proceseve inflamatore.

“Ne gjetëm një lidhje të rëndësishme midis ndërprerjes së partneritetit ose viteve të beqarisë dhe problemeve të inflamacionit te meshkujt,” tha Dr. Karolina Davidsen, një bashkëpunëtore kërkimore në Departamentin e Shëndetit Publik në Universitetin e Kopenhagës.

Ajo theksoi se kjo nuk ndodh me femrat.

“Studimi i fundit mund të hedhë dritë mbi rreziqet për burrat që jetojnë vetëm, por shëndeti është i shumëfishtë dhe monitorimi i faktorëve të rrezikut, maksimizimi i mirëqenies dhe trajtimi i inflamacionit që ndodh me ndihmën e mjekut tuaj mund t’i ndihmojë pacientët të jetojnë jetë të shëndetshme,” tha studimi.

Studimi, i publikuar në revistën BMJ, shqyrtoi edhe vitet e jetës së beqarëve.

Për disa, fakti i të jetuarit beqar është një avantazh, thotë Elyakim Kislev, një profesor asistent në Universitetin Hebraik të Jerusalemit. Kislev analizoi bazat e të dhënave amerikane dhe evropiane, duke përfshirë Byronë e Regjistrimit të SHBA dhe Anketa Sociale Evropiane, si pjesë e një studimi të tendencave në beqarët dhe çfarë i bënte disa beqarë të lumtur.

Ai ka studiuar zakonet në më shumë se 30 vende dhe ka kryer më shumë se 140 intervista me beqarë në Shtetet e Bashkuara dhe Evropë – me njerëz midis moshës 30 dhe 78 vjeç, të cilët së bashku përfaqësonin një përzierje të gjinisë, seksualitetit dhe prejardhjes socio-ekonomike dhe etnike.

Ai zbuloi se dallimet kryesore midis beqarëve të lumtur dhe beqarëve të pakënaqur në përgjithësi varen nga fakti nëse ata kanë stereotipe të brendshme për të qenë vetëm apo nuk u intereson.

“Vetmia e disa beqarëve të lumtur kompensohet gjithashtu duke fituar përvoja emocionuese, si udhëtimi ose gjetja e hobive të reja,” tha Kislev.