Ka përfunduar mbledhja e Kryesisë së Partisë Socialiste. Në mbledhje u bë analiza e votave të 30 qershorit, ku ishte i pranishëm edhe Kryeministri Edi Rama.
Kryeministri i ka kërkuar deputetëve që të bëhen mbledhje dhe analiza në çdo bashki.
Gjithashtu Rama ka kërkuar që të bëhen diskutime në çdo Këshill Bashkiak dhe ka shpjeguar procesin që pason, tashmë që PS ka marrë të gjitha bashkitë në vend.
Rama i ka thënë Kryesisë së PS-së, se brenda muajit korrik do mblidhet Asambleja e Partisë Socialiste.
Sipas burimeve, kryeministri nuk ka folur për propozimet e Metës, gjatë mbledhjes.
