RTV Ora në bashkëpunim me IPR Marketing, sjell rezultatet e sondazhit te dyte në nivel kombëtar për këtë vit. Ne studion e emisionit “Tempora” komentuan rezultatet Antonio Noto, administratori i shoqërisë IPR Marketing, analisti i njohur Artur Zheji, drejtues i “360 gradë” dhe Dritan Hila drejtues i “Arena”.
Ja orientimi i votës së shqiptarëve
Tabela 12: Zgjedhjet politike-orientimi i votës
Nëse zgjedhjet do të zhvilloheshin sot, orientimi i votës së shqiptarëve është në krahun e opozitës, PD – LSI. Por si forcë politike orientimi i votës është majtas.
Konkretisht: Orientimi i votës në 29 maj për PS është 44.5%, krahasuar me 44% me orientimin e votës në 3 prill. Ndërsa në vitin 2017, për zgjedhjet e përgjithshme orientimi i votës për PS ishte 48.3%.
Orientimi i votës në 29 maj për PD është 38.5%, me një rënie prej 0.5% nga sondazhi i 3 prillit, ku PD kishte 39%.
Ndërsa në vitin 2017 orientimi i votës për PD ishte 28.9%.
Orientimi i votës së shqiptarëve për LSI nëse zgjedhjet do të mbaheshin sot (29 maj) është 13%, me një rënie krahasuar me sondazhin e 3 prillit dhe me sondazhin e 2017 për zgjedhjet e përgjithshme.
Forca më e re politike, Bindja Demokratike ka arritur të fitojë zemrat e 2 % të shqiptarëve. Po ashtu 2% e shqiptarëve kanë thënë se do votojnë për parti të tjera.
Shqiptarët duan të hapen vende pune
Tabela 11: Ndryshojmë argument, sipas jush çfarë duhet të bëjnë politikanët për të evituar shqiptarët të largohen nga vendi?
Që shqiptarët mos të largohen nga vendi duhet që të hapen vende pune. Kështu mendojnë edhe shumica e shqiptarëve, ku 64.8% prej tyre mendojnë se politikanë duhet të rrisin vende pune për të evituar shqiptarët të largohen nga vendi. 50.7% e shqiptarëve mendojnë se duhet të rriten rrogat minimale. 29.9% janë të mendimit se duhet të përmirësohen kushtet pëer të bërë karrierë. Të përmirësojnë sistemin e formimit mendojnë 16.4 % e të anketuarve. Ndërsa 3.7% mendojnë se duhet të bëhen marrëveshje me vendet pritëse për riatdhesimin e tyre. 32.2% e shqiptarëve mendojnë se për të evituar largimin e shqiptarëve jashtë vendit duhet të luftohet korrupsioni dhe kriminaliteti. 12.3% mendojnë se duhet të inkurajohen (edhe ekonomikisht) kthimin e shqiptarëve nga jashtë vendit.
Politika pergjegjese per mos integrimin e Shqiperise
Tabela 10: Në rast se procesi për anëtarësimin në Bashkimin Evropian do bllokohej, përgjegjësia do të binte mbi…
Kur vjen puna për integrimin e Shqipërisë, shqiptarët janë të drejtpërdrejtë, duke akuzuar klasën politike. 47.2 % e të anketuarve mendojnë se nëse bllokohet procesi i anëtarësimit të Shqipërisë në BE përgjegjësia bie edhe mbi qeverinë edhe mbi opozitën. Ndërsa në sondazhin e 3 prillit ishin 55.4% e shqiptarëve që kishin këtë mendim.
29.6% e shqiptarëve mendojnë se përgjegjësia bie mbi qeverinë, kundrejt 20.4% që ishte në sondazhin e kaluar. Ndërsa 21.1% mendojnë se përgjegjësia bie mbi qeverinë, kundrejt 16.6% që mendonin në sondazhin e 3 prillit. Ndërsa 2.2%
Data e zgjedhjeve duhet të shtyhet
Tabela 9: Disa mendojnë, duke iu referuar situatës aktuale, që data 30 qershor e zgjedhjeve duhet spostuar. Ju…
53.5% e shqiptarëve mendojnë se data e zgjedhjeve të 30 qershorit duhet të shtyhet, kjo referuar situatës aktuale politike. 38.4% e shqiptarëve nuk janë dakord që data e zgjedhjeve të shtyhet. Ndërsa 8.1% janë përgjigjur “nuk e di”.
Presidenti Ilir Meta nuk po bën gjithçka për të zgjidhur krizën politike
Tabela 8: Si e gjykoni rolin e Presidentit, z. Ilir Meta në trajtimin e krizës politike të vendit?
Shqiptarët mendojnë se Presidenti Ilir Meta nuk po bën gjithçka për të zgjidhur krizën politike në vend. Me këtë mendim janë 59.2% e të anketuarve.
Ndërsa 36.4% e shqiptarëve mendojnë kreu i shtetit po bën ç’është e mundur për të gjetur një zgjidhje për krizën politike.
Ndërsa 4.4% e shqiptarëve thonë se nuk e dinë.
Zgjedhjet pa opoziten te pavlefshme
Tabela 7: Gjithësesi, pa pjesëmarrjen e opozitës, sipas jush, a do ishin të vlefshme zgjedhjet e qershorit?
Shqiptarët mendojnë se zgjedhjet e 30 qershorit pa pjesëmarrjen e opozitës nuk do të ishin të vlefshme dhe të ligjshme. Janë 60.6% e shqiptarëve që ndajnë këtë mendim. Ndërsa vetëm 33.4% mendojnë se zgjedhjet do të ishin të vlefshme edhe pa pjesëmarrjen e opozitës. 5.9% kanë thënë se nuk e dinë.
Jo zgjedhje pa opoziten
Tabela 6: Sipas jush, mazhoranca duhet të hyjë në zgjedhjet lokale, pavarësisht mospjesëmarrjes së opozitës?
47.4% e shqiptarëve janë të mendimit se mazhoranca nuk duhet të hyjë në zgjedhje pa opozitën. 38.6% thonë se janë mazhoranca duhet të hyjë në zgjedhje, pavarësisht mospjesëmarrjes së opozitës. Ndërsa 14 % thonë se nuk e dinë.
Shqiptaret kunder opozites per te mos marre pjese ne zgjedhje
Tabela 5: Ju jeni dakord apo jo në lidhje me vendimin e opozitës për të mos marrë pjesë në zgjedhjet lokale më 30 qershor?
52.9% e shqiptarëve thonë se janë kundër vendimin të opozitës për të mos marrë pjesë në zgjedhje. Ndërsa 37.6% e të anketuarve janë përgjigjur se janë dakord me vendimin e opozitës. 9.5% janë përgjigjur “nuk e di”.
Shqiptarët kundër zgjedhjeve të parakohshme
Tabela 4: Opozita ka kërkuar dorëheqjen e qeverisë dhe zgjedhje të parakohshme. Duke menduar për të mirën e Shqipërisë, ju jeni pro apo kundër zgjedhjeve të parakohshme?
Kundër zgjedhjeve të parakohshme janë 42.2% e shqiptarëve, një shifër kjo në rënie, pasi në sondazhin e 3 prillit 51.9% nuk donin zgjedhje të parakohshme.
Në favor të zgjedhjeve të parakohshme janë 40.2% e shqiptarëve, duke pësuar një rritje krahasuar me sondazhin e parë sipas të cilit vetëm 28.9% ishin për zgjedhje të parakohshme. Ndërsa 15.6% nuk kanë pranuar të përgjigjen, krahasuar me 19.2% nga sondazhi i kaluar.
Shumica e shqiptarëve nuk ndajnë të njëjtin mendim me opozitën për protestën
Tabela 3: A ndani të njëjtin mendim me opozitën në lidhje me protestën?
Shqiptarët janë kundër opozitës për mbajtjen e protestave. 49.8% thonë se nuk ndajnë të njëjtin mendim me opozitën, krahasuar me 38.1% nga sondazhi i 3 prillit.
Kësaj pyetje, 25.7% e të anketuarve i janë përgjigjur se ndajnë plotësisht të njëjtin mendim me opozitën. Ndërsa qytetarët që ndajnë pjesërisht të njëjtin mendim me opozitën janë 23.6%. 0.9% e shqiptarëve nuk i janë përgjigjur kësaj pyetje.
Kriza politike, sjellje jo normale e partive politike
Tabela 2: Në lidhje me krizën politik që po kalon aktualisht vendi, 52.5% e shqiptarëve mendojnë se kjo është një situatë jo e ligjshme dhe jo normale dhe përtej hapësirës demokratike.
38.8% e të anketuarve mendojnë se është një sjellje normale e partive politike në respekt të parimeve demokratike.
Ndërsa 8.7% janë përgjigjur se nuk e dinë.
Shqiptarët e gjykojnë negativisht veprimtarinë e qeverisë
Tabela 1: Si e gjykoni veprimtarinë e qeverisë dhe të kryeministrit Edi Rama?
38.9% e shqiptarëve e gjykojnë negativisht punën e kryeministrit Rama dhe qeverisë së tij, krahasuar me 34.7% nga sondazhi i kaluar. 32.2% e shqiptarëve mendojnë se puna e qeverisë dhe e kryeministrit Edi Rama është pozitive, krahasuar me 29.5% nga sondazhi i 3 prillit. Janë 18.3% e shqiptarëve të cilët mendojnë as pozitivisht dhe as negativisht. Ndërsa 10.6 % nuk kanë dhënë përgjigje.
Marzhi i gabimit
Kampioni përfaqësues është 2000 shqiptarë.
Antonio Notto: “Ne nuk kemi intervistuar 2 mijë, por 12 mijë, 13 mijë, por ai kampion na jep thelbëësisht të gjitha të dhënave për qëllime politike dhe se si orientohet vota. Qytetarët janë gjetur me telefon si në nr fiks edhe në celular. Marzhi i gabimit është 2.7%.”
IPR Marketing eshte një nga shoqëritë lider në Itali, e specializuar në kërkimet, studimet dhe analizat e opinionit publik dhe tregut prej më shumë se 26 vjetësh.
/Ora News.tv/
