“Sondazhet”, Kryemadhi: Më shumë se 55% e shqiptarëve votojnë opozitën

308
Sigal

Kryetarja e LSI, Monika Kryemadhi shprehet se sondazhet e nxjerrin opozitën fituese të zgjedhjeve të ardhshme parlamentare. Në një intervistë televizive Kryemadhi deklaron se në të gjitha sondazhet 55% e shqiptarëve do të zgjidhnin opozitën përballë rilindjes, ndërsa në masën 85% qytetarët nuk e duan qeverinë aktuale.

Kryemadhi: Ne kemi sondazhe që para tërmetit dhe sondazhe që kanë qenë pas tërmetit. Ashtu siç  kemi ne sondazhet tona, Rama ka sondazhet e tij dhe të gjithë janë të fokusuar. Tani, Shqipëria e vogël është edhe ne ja lexojmë sondazhet njëri tjetrit dhe Ramës i kanë thënë ‘ e vetmja mënyrë për të rikuperuar rimëkëmbjen tënde është rindërtimi ekonomik’. Po ç’ rindërtim ekonomik do të bëjë pa konferencën e donatorëve që i premtoi 1 miliardë e 150 milionë euro dhe nuk ka marrë asnjë gjë. Përkundrazi. Pagoi disa para për të bërë atë show të madh për ti thënë shteteve apo institucioneve të ndryshme që shiko se kaq para do të jap donacion për rindërtimin ekonomik në Shqipëri. 85% e shqiptarëve nuk e votojnë Edi Ramën, 55% votojnë opozitën e bashkuar. 85 me 55 janë 30% që nuk janë pak. Sepse, kjo 30% është ai 30% që kërkon një punë shumë të madhe dhe pjesa më e madhe e tyre është gri që nuk kanë votuar prej më shumë se 20 vitesh.

Pyetje: Çfarë garancie kanë sondazhet që të fitoni duke pasur parasysh edhe kompaninë të cilës ja keni ngarkuar këtë?

Kryemadhi: Mua më kanë dal të gjithë sondazhet. Jo mua, por Lëvizjes Socialiste për Integrim gjithmonë i kanë dal sondazhet.

Pyetje: Monika në fakt këto ditë më ka rënë në sy një lloj qetësie e juaja. Kam konstatuar madje mungesën e alarmizmit, madje kemi parë disa aspekte që duken si pozitive nga e gjithë kjo që ndodhi me ndryshimet kushtetuese, pozitive në sensing e përfitimit nga opozita.

Kryemadhi: Në fakt njerëzve u krijohet ideja që unë nuk jam e qetë, por unë jam e qetë pavarësisht se unë jam entuziaste. Sigurisht që në momente të caktuara politike ndonjëherë edhe ne na duhet të ngremë zërin diku më shumë, diku më pak duke patur parasysh që në një vend si Shqipëria që ka një politike maskiliste, për një grua është shumë e vështirë, dhe aq më shumë për mua që shikohem në dy anë të medaljes. Njëherë shikohem si Monika kur iu intereson dhe njëherë tjetër kur nuk iu intereson shikohem si bashkëshortja e Ilir Metës. Ndoshta kjo më ka bërë që në momente të caktuara të jem pak me temp më të fortë.

Në jetën e përditshme sigurisht që jam më racionale, më e organizuar dhe sigurisht që kam probleme të tjera të ditës që do të krijojnë ato situatat emocionale të secilit nga ne. Me gjithë atë, po kthehem në temë, në fakt marrëveshja e 5 qershorit ishte një instrument mund ta quajmë i cili ishte i domosdoshëm për Shqipërinë dhe klasën politike të saj sepse nëpërmjet saj ne i hapim rrugën 14 kushteve të tjera të BE-së ku Shqipëria duhet të bëhet gati për konferencën ndërqeveritare që do të bëhet përsa i përket asaj që ne quajmë hapje negociatash. Qoftë edhe me kushte sepse do të ishte shumë e rëndësishme për Shqipërinë. I vetmi kusht që kërkonte përfshirjen e opozitës së bashkuar ishte pjesë e kushteve të reformës zgjedhore, të rekomandimeve të OSBE-ODIHR. Më pas vijmë te ndryshimet kushtetuese, ajo që për hir të së vërtetës është një budallallik i bërë nga ana e shumicës. Tregon një veprim që është bërë në nxitim e sipër, tregon mungesën e maturisë. Lëvizja e menjëhershme me një ‘arrogancë’, duke vendosur në rrezik lirinë e Shqipërisë, duke krijuar po themi një kakofoni deklaratash të ndryshme dhe deri në ngatërrime emrash me fytyra siç ndodhi sot nga Ministria e Shtetit Znj. Elisa Spiropali me zëvendësin e PPE-së. Më pas duke vazhduar me presione psikologjike apo edhe ushtrim dhune verbale jo vetëm ndaj deputetëve në Parlament por edhe ndaj ambasadorëve të huaj të cilët kanë qenë ata garantues të marrëveshjes së 5 qershorit. Ne kemi qenë të bindur që marrëveshja e 5 qershorit ishte thjeshtë një përfundim I misionit të opozitës së bashkuar por e denim shumë mirë që Edi Rama nuk do të shkonte drejtë kësaj sepse duke e njohur pak edhe më mirë ai jo vetëm që ka frikë nga zgjedhjet por ai është në një proces konsumimi jashtëzakonisht të madh dhe një izolimi që po i vjen jo vetëm Edi Ramës dhe Partisë Socialiste por izolim i cili faktikisht po transmetohet edhe tek Shqipëria. Çështja e veprimeve të djeshme të njëanshme të Kushtetutës, që të jemi të sinqertë vetëm ka shtuar notat e frikës në rardhët e PS-së duke pretenduar që pas zgjedhjeve të 2021 të jenë kryetarë të PS-së. Kështu që duke vërë një veprim të tillë vetë Z. Rama ka krijuar një panik brenda radhëve dhe ata që do të heqin gurët e themelit në procesin e zgjedhjeve do të jetë Partia Socialiste. Unë gjatë gjithë muajit korrik, menjëherë pas dakordësimit të marrëveshjes së 5 qershorit kam lëvizur në të gjithë Shqipërinë dhe ajo që më bën përshtypje është që socialstët janë ata që ndihen jo vetëm të papërfshirë por të deligruar  zhvlerësuar jo vetëm politikisht por edhe emocionalisht. Mjafton të shikoni se si drejtohet qeveria sot, sa ministra socialistë ka në qeverisje, sa firma Shqiptare ose lokale janë të përfshira në projekte qoftë të rindërtimit të rrugëve, qoftë në koncensione e me radhë.