Kur dhe si do të hapen kufijtë për qarkullimin e udhëtarëve këtë nuk mund ta thotë kush me përgjegjësi tani, thotë sekretari i shtetit në Ministrinë Federale të Ekonomisë në Gjermani, Thomas Bareiß, përgjegjës edhe për turizmin.
Çështja e lejimit të udhëtimit brenda Europës, ndërkohë që kriza e shkaktuar nga koronavirusi po lehtësohet, nuk është ende në rendin e ditës, deklaroi dhe kancelarja gjermane, Angela Merkel.
Merkel e bëri deklaratën pas një konference video me kryeministrat e landeve gjermane.
Kjo video konferencë ishte përqëndruar në lehtësimin e disa prej kufizimeve të vendosura në mes të marsit për të ngadalësuar përhapjen e virusit.
Gjermania është një nga vendet me më pak viktima nga COVID-19, në raport me popullsinë.
”Muzetë, kopshtet zoologjike dhe ekspozitat në të gjithë Gjermaninë do të rihapen, së bashku me shkollat fillore në shtetin më të populluar të West Rhine Westphalisë”, shtoi kancelarja.
